Siegfried I vaan Luxembörg

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Siegfried I of Luxembourg.jpg

Siegfried I vaan Luxembörg (922 - 15 augustus 998) waor d'n ierste graof vaan Luxembörg. Siegfried waor de zoon vaan Wigerik vaan Lotharinge en Kunigunde vaan de Ardenne en wis te regiere euver de door häöm gestiechte stad Luxembörg vaan 963 bis zien doed in 998. Ziene zoon Henrik I vaan Luxembörg naom 't graofsjap daonao euver.

Siegfried eerf vaan ziene pap Wigerik en zien breurs de functies vaan graof vaan de Moezelgouw en de Ardennegouw, boog vaan de Sint-Maximinusabdij te Trier en vaan de Abdij vaan Echternach en groet bezittinge in Opper-Lotharinge. Heer ruilde bezittinge bij Ettelbruck mèt de abdij vaan Sint-Maximinus tege 'n strategisch gelege plaots aon de Alzette, boe heer in 963 e kastiel bouwde. 't Kraog de naom Lucilinburhuc (klein kastiel) en greuide later oet tot de stad Luxembörg. In 964 bouwde heer ouch e kastiel in Saorbörg. Heer steunde de keuningsverkezinge vaan Keizer Otto III. Siegfried kaom in 985 ziene neef Godfried vaan Verdun te hölp wie de stad Verdun woort aongevalle door e Frans leger. Godfried en Siegfried woorte verslage en gevangegenomme. Nao d'n doed vaan keuning Lotharius vaan Fraankriek in 986 woorte zie weer vrijgelaote. Op 't ind vaan zie leve woort Siegfried geëxkommeniceerd wie heer de Bissjop vaan Verdun gevange had gezat. Bij zien doed in 998 woort Siegried opgevolg door zienen aajdste zoon Hendrik I vaan Luxembörg.