Selvera's

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

De Selvera's ware 'n Nederlandstalig schlagerduo oet Wieërt dat in de jaore 1950 en 1960 versjeije keëre de hoagste regione van de Nederlandse Top 40 behaolde en meë plate verkoch dan völ rock-'n-rollartieste oet daezelfde tied. De Selvera's besjtónge oet de zuskes Mieke en Selma "Zus" Jansen.

Biografie

De Selvera’s woorte biejein gebrach in 1954 naodat ’t duo Helma en Selma, wo Selma deil van oetmaakde, opheel te besjtaon. Mieke trooj toen es solozangeres op ónger de naam Vera en door de sametrèkking van de twee name óntsjtóng de naam Selvera’s. ’t Duo maakde zien debuut op awwejaorsaovend 1954. Door good productiewerk broke ze tweë jaor later door mèt 't leedje Twee Reebruine Ogen, hunne eësjte single, dae mètein de veerde plaatsj in de hitparaad haolde en dao 4 maondj in bleef staon. Hun groatste succes woort 't jaor daorop gelanceerd, namelik de evergreen De postkoets (van de Mesjtreechse compenis en orkesleijer Jos Cleber), dat in 1960 oetentelik 'ne platina sjtatus zou haole (in de jaore vieftig en zestig, toen singles väöl baeter verkochte es noe, beteikende dat ten minste 200.000 exemplare). Anger hits, zoa-es Sleighride in Alaska (ouch van Jos Cleber) en Zeg Kleine Ree volgde, en dèks woorte ze nummer ein in de hitparaad. Hun topjaor waas 1959, in dat jaor hèje ze meiste singles oetgebrach.

Nao 1961 ging 't mèt de populariteit wat minder en in 1963 ging Mieke Bos, zoa-es ze inmiddels haede, solo. Vervolges sjtapde ze euver nao de televisie en de musical. Zoa sjtóng ze in 1964 naeve Johannes Heesters op de plenk es Maria in de eësjte Nederlandse bewirking van The sound of music. In 1974 waas ze op TV te zeen in de jeugserie Q en Q, waa-in ze de kunstenares Berthe Bennebroeck sjpeelde. Greetje Mona, en later Jenny Donker, hèje nao ’t vertrèk van Mieke häör plaatsj biej de Selvera's ingenómme. In 1965 kaom 'n verzamelelpee oet, womit de Selvera's veur opgeheve koosjte waere besjouwd. Later kaome nog ènnige verzamelelpees oet. Selma Jansen maakde later nog 'n aantal solosingles, o.a. ónger de naam Zus Selvera.

Behauve in 't Nederlands zónge de Selvera's ouch in 't Duutsj, Engelsj en Limburgs (en waal in 't Wieërts dialek).

't Werk van de Selvera's wirt huuj nog dèks es zeutsappig en gedateerd besjouwd, neet allein taenge de achtergróndj van de zich sjteeds vernujende popmeziek, mèr ouch in vergelieking mèt 't meë dramatische laevesleed dat de Nederlandstalige populaire meziek sins ènnige decennia bepaolt. Toch heuërt me op de radio nog vrie regelmatig hun hits De postkoets en Wie schoeën ós Limburg is. Zoa woort de melodie van De postkoets in 1983 door de Volendamse band The Cats gebruuk veur hunne comeback-single La Diligence.

Singles De Selvera's

1956

Twee reebruine ogen (4e plaats in de Top-40, 4 maanden)
Zeg juffrouw, hé juffrouw

1957

De postkoets (2e plaats in de Top-40, 5 maanden)
Het torentje van pisa
Mijn ouderhuis
Que sera sera

1958

Als de kaarsjes weer branden
Die gelbe Kutsche
Kerstmis in Holland
Omaatje

1959

Dag en nacht (met orkest van Eddie de Jong)
Die Insel der Liebe
Kus me, honey honey, kus me
Liebes Grossmütterlein
My Happiness (17e plaats in de Top-40, 1 maand)
Sleigh ride in Alaska (B-kant: Moeder Jouw Zilveren Haren) (11e plaats in de Top-40, 2 maanden)
Tingelingeling
Wenn die Kerzen erstrahlen
Zeg kleine ree (7e plaats in de Top-40, 5 maanden)
Zwarte ogen

1960

Baciare Baciare
Blijf bij mij
Droomwens
Laat hem toch gaan (B-kant: Het lied is uit) (mèt Johnny Kraaykamp)
Het sprookje
Laat hem toch gaan
Trouw trouw trouw
Veel liefde onder de zon

1961

Dank je voor die bloemen
Op mien sjeutje
Wie schoen us Limburg is (laatste opname voor het label CNR)

1962

Als jij dat maar wist (eerste opname voor het label Artone), (B-kant: Valse parels), gastmuzikant/producer Addy Kleijngeld
Cinderella deine Träume (B-kant: Jeder tag ohne dich)
Cinderella uit Hawaï (B-kant Elke Dag Zonder Jou)
Wie schoen us Limburg Is

1963

Dans met mij
De speeldoos
Ik zie de maan (B-kant: Nou tot weerziens dan)

1964

De drie musketiers (B-kant: Hete tranen)
Dromen van liefde (B-kant: Jammer van al die rode rozen)
Hete tranen (B-kant: Rode rozen)
Huil niet om de liefde (B-kant: Zwemmen leer je in zee)
Napoli (B-kant: Rode rozen)
Oh my darling Clementine (B-kant: Zonder jou)
Zonder Jou

1965

Colinda (B-kant: De fijnste dans met jou)

1967

Bon giorno bambina (B-kant: Die eerste kus)

1968

De postkoets

Externe link/Brónne