Seismomaeter

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


'ne Seismomaeter.

'ne Seismomaeter of seismograaf is 'n apperaat womit seismologe aerdsjóddele (seismische golve) kinne regisjtrere op e seismogram. Hiedoor is 't ouch meugelik de samesjtèlling van de divers aerdlaoge te besjtudere.

Modern seismomaeters besjtaon oet 'n massa die zo is opgehange det ze t'n opzich van de ómgaeving in t'n minste ein richting vrie kan bewaege. Bewaeg de aerd, den blief de massa stasjenair en de bewaeging van de aerd t'n opzich van de massa kan waere gemaete, zowaal es sjnelheid es verplaatsing. De bewaeging waerde vreuger door hefbuim mechanisch versjterk en door 'n pen op 'n lankzaam drejjende rol pepier euvergebrach; allewiel weurt hieveur meistes gebroekgemaak van elektronische regisjtratie mit behölp van computers.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Seismomaeter&oldid=388199"