Saint-Étienne
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Saint-Étienne (Francoprovençaals: Sant-Etiève) is 'n stad in Fraankriek, in de regio Auvergne-Rhône-Alpes, 't departemint Loire en 't arrondissemint Saint-Étienne. Vaan de lèste twie is 't de hoofplaots. De gemeinte Saint-Étienne mit 79,97 km² en had in 2013 172.023 inwoeners. Saint-Étienne ligk aon de rand vaan 't Centraol Massief op 'n oetgebreid kolebèd, hei aofgezat in 't nao de stad geneump stephanien, de lèste etage in 't Carboon. De stad heet 'n belaankrieke regionaol functie meh steit in de sjeem vaan Lyon, wat hei op 50 kilometer noordoostelek vaan ligk. Oondaanks zien lang historie heet de stad rillatief wieneg gebouwe awwer es de negentienden iew. Wijer is Saint-Étienne bekind um zien voetbalclub AS Saint-Étienne.
Saint-Étienne sjijnt te zien gestiech in de vreug middeliewe en hètde vaanajds Saint-Étienne-de-Furan, nao 't revierke de Furan ('n zijtak vaan de Loire) boe de plaots aon ligk. De plaots veel bestuurlek iewelaank oonder Saint-Priest-en-Jarez. 't Hoort achterein bij 't aartsbisdom Jarez en 't graofsjap Forez. In de periferie vaan zoewel Fraankriek es 't Heileg Roems Riek kós ze ziech good oontwikkele. Nao 'nen trökval in d'n Hoonderdjaoregen Oorlog bleujde de stad weer besjeie op. In 1793 woort de stad losgemaak vaan Saint-Pierre-en0Jarez, en um ideologische reies umgeduip tot Armes (dit lèste woort in 1801 weer oongedoon gemaak). D'n echte greuj kaom pas in de negentienden iew, wie de winning vaan kole industrieel woort aongepak. Wie in de jaore zèsteg en zeventeg de kjole touwgonge en de industrie in de probleme kaom, verermde de stad en leep ze leeg. De politiek heet dao tot op d'n daag vaan vaandaog nog gei good antwoord op kinne vinde, al is de krimp intösse wel droet.
Dit artikel is e sjtumpke. De kans Wikipedia helpe door 't aan te völle