Rowan Atkinson

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Rowan Atkinson;

Rowan Atkinson (*6 januari 1955, Consett, VK) is 'ne Britse acteur en komiek. Internasjonaal sjteet heë bekank in zing rol i Blackadder en Mr. Bean.

Vreug leëveslup[bewirk | brón bewèrke]

Rowan Atkinson woar i de Noard-Ingelsje plaatsj Consett geboare as zoon va agrariër en bedriefsleider Eric Atkinsons, deë in 1945 getrów is mit Ella May. Atkinson woar de jongste va de veer kinger deë de awwesj han vuërtgebraach. I zing kingerjoare is Atkinson Anglikaansj-christelig opgevód en heë woeëd óngerrich aa de Anglikaansj Durham Choristers School en de St. Bees School. I de Universiteet va Newcastle behoalde heë e graad vuur elektrotechniek. Vuur zing master studeerde heë vanaaf 1975 wiejer aa de Universiteet va Oxford. I de studentenklub Oxford Revue maakde heë zing ieësjte sjkètches.

Carrière[bewirk | brón bewèrke]

Lengelig bekankheed krieg Atkinson op radiokanoal BBC3 in 1978 mit zing prograam The Atkinson People, dat besjteet oet een serie va satirische interviews, woeë Atkinson bekanke typen sjpieëlt deë weëde geinterviewd. I 1979 begós zing carrière op tv mit de toen bekanke series Canned Laughter en Not the Nine O'clock News. Zing durchbraak was i 1983 mit de prograam Blackadder, woeë-i óp satirisch wies óp de Britse gesjichde weëd i-gegange. Dees serie sjpeelde Atkinson as versjèllende personaasj bis 1989. I dat zèlfde joar begós de weëltbereumde serie Mr. Bean, woeë-i heë solo optreëd as gelieknoamig personaasj. De mieëste aafleëvering weëde ópgeleëverd va 1990-1995. Óch koame films oet, zoeëwie Bean in 1998, en Mr. Beans Holiday in 2007. I 2003 koam de film Johnny English oet as parodie op de films va James Bond, woeë-i Atkinson de ról sjpeelt va 'ne ónbekwaam agent.

Rowan Atkinson verkleëd as Mr. Bean bei Manneken Pis in de Belsje hoafsjtad Brussel;

Uëverzich va optreëje óp televisie[bewirk | brón bewèrke]

  • Canned Laughter (1979)
  • The Secret Policeman's Ball (1979)
  • Not the Nine O'Clock News (1979–1982)
  • Peter Cook & Co (1980)
  • The Innes Book of Records (1980)
  • Blackadder as Prinsj Edmund (The Black Adder); Lord Blackadder (Blackadder II en Blackadder's Christmas Carol); Edmund Blackadder (Blackadder III en Blackadder's Christmas Carol); McAdder (Blackadder III) Ebenezer Blackadder, Grand Admiral Blackadder, slave Blackadder (Blackadder's Christmas Carol); en Captain Blackadder (Blackadder Goes Forth) (1983–1989)
  • Saturday Live (1986)
  • Mr. Bean as Mr. Bean (1990–2012)
  • Rowan Atkinson Live (1992) (VHS)
  • Bernard and the Genie as Bernard's Boss (1991) (film)
  • Funny Business (1992)
  • A Bit of Fry & Laurie (1992)
  • The Thin Blue Line as insjpecteur Raymond Fowler (1995–1996)
  • Bean: The Ultimate Disaster Movie (1997)
  • The Story of Bean (1997)
  • Blackadder: Back and Forth as: Black Adder en Centurion Blaccadicus (2000)
  • Mr. Bean as Mr. Bean, sjtim (2001–2004, 2015–)
  • The Comic Relief "Red Nose Day", woeë-i de optreëje:
    • Blackadder: The Cavalier Years as: Edmund Blackadder (1988)
    • Nosenight sketches (1989)
    • Mr Bean's Red Nose Day as: Mr. Bean (1991)
    • The Stonk music video as: Mr Bean (1991)
    • (I Wanna Be) Elected as: Mr. Bean (1992)
    • Blind Date with Mr Bean as: Mr. Bean (1993)
    • Torvill and Bean as: Mr Bean (1995)
    • Doctor Who and the Curse of Fatal Death as: The Doctor (1999)
    • Popsters as: Nasty Neville (2001)
    • Lying to Michael Jackson as: Martin Bashir (2003)
    • Spider-Plant Man as: Peter Piper and Spider-Plant Man (2005)
    • Mr Bean's Wedding as: Mr. Bean (2007)
    • The Greatest Worst Bits of Comic Relief (2007)
    • Live from Lambeth Palace sketches as de Aartsbissjóp va Canterbury (2013)
    • Mr Bean's Funeral as: Mr. Bean (2015)
  • Rat Race as: Enrico Pollini (2001)
  • Johnny English as: Johnny English (2003)
  • Mr. Beans Holiday as: Mr. Bean (2007)
  • We Are Most Amused (2008), 'ne show t'r geleëgeheed va de 60ste verjoardaag va Prins George
  • Blackadder Rides Again (2008)
  • Not Again: Not the Nine O'Clock News (2009)
  • Bondi Rescue as: Mr. Bean (2010)
  • Johnny Englih Reborn as: Johnny English (2011)
  • Top Gear (2011)
  • The Olympics Opening Ceremony as: Mr. Bean (2012)
  • Goodness Gracious Me as 'ne dokter naast Pixie Lott vuur: ITVs From The Heart Appeal (2013)
  • Goodwood Festival of Speed as 'ne rechter vuur: the Cartier style et luxe (2014)
  • Horrible Histories, as keuning Henry VIII van Ingeland (2015)

Privéleëve[bewirk | brón bewèrke]

I 1990 trówde Rowan Atkinson mit Sunetra Sastry. Oet 't huwelig zint twieë kinger vuërtgekoam i 1993 en 1995. I 2015 scheidde heë van zing vrów. Mit 'n vermoage va óngeveër £85 miljoen pond is Atkinson één va de riekste tv-personelighede va 't Vereënig Keuninkriek. Dit koam umtot de serie Mr. Bean zoeë populeër woar, dat 't verkóch woeëd aa vöal lenger. Óch is Atkinson 'ne autofanaat, zoeë bezit heë twieë Aston Martins, 'ne Ferrari, 'ne Bentley, 'ne Lotus en 'ne McLaren F1. In teëngesjtelling tót de personaasj Mr. Bean i de gelieknoamige series, hat Rowan Atkinson geen vuurkuër vuur klieën automodelle.

Sjpieëlsjteil[bewirk | brón bewèrke]

Kinmarkenk vuër Atkinson's optreëje is de mimiek, ofwè de non-verbaal kommunikaasj. Vöaral i de serie Mr. Bean weëd Atkinson bekank óm dees sjpieëlsjteil. I anger sjpieëlfilms is zing ról vöal verbaler, zoeëwie i Johny English en Blackadder. Hei weëde mieër wöadgrappe beivuurbild gemaak. Gezichekspressie's blieëve belangriek en heidurch weëd Rowan Atkinson óch waal de man met 't rubber gezich geneump.

Extern links[bewirk | brón bewèrke]

  1. http://www.rowanatkinson.org/ (Uëver Rowan Atkinson, op Pruusj)
  2. http://www.mrbean.com/ (Uëver de weëltbekanke tv-serie Mr. Bean, op Ingelsj)

Referenties[bewirk | brón bewèrke]

Ingelsje en Nederlangse pazjina's uëver Rowan Atkinson

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rowan_Atkinson&oldid=437021"