Rogkels

Dit artikel is gesjreve in 't Remunjs. Ómdat 't plaatsgebónge is, maogs doe 't ómzètte nao 't Rogkels, es te dit dialek sjpriks.

't Rogkels is 'n Centraal-Limburgs dialek det weurt gekald in 't kèrkdörp Rogkel in de gemeinte Leudaal.

't Rogkels wiek weinig aaf van de dialekte in de ómringendje dörper en liek den ouch väöl op 't Naers.

Kènmirke

Kènmirkend veur 't Rogkels en de dialekte in de ómgaeving zeen de óneigelike tweeklenk in wäörd wie "hieër", "sjoeën", "huuëre" en weurt de klank in wäörd wie "keuke" en "veur" verlieëg nao "käöke" en "väör". In vergelieking mit 't Häörs en Hales is 't dialek dudelik naordeliker gekleurd, zo sjprèk me van 'n "oor" in plaats van 'n "oer" (60 menuut); "zooj" in plaats van "zów" (verlejen tied van "zölle"); en "wae" en "gae" in plaats van "weer/veer" en "geer" (vergeliek Vinloos: "weej" en "geej" wo ouch de -r óntbrèk).

't Rogkels is juus wie de anger dialekte in de ómgaeving sjterk mouillerendj.