Wörmzäödsje

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Lèt good op 't veurbehawd bie medische informatie. Gank bie gezóndjheidsklachte nao 'nen hoesdokter.

Wörmzäödsje, Reinevaan, Reinevaar, Hummesknuipke

.

Dees plant de Chrysanthemum vulgare, haet minstens 4 Limburgse volksname: Rein(e)vaar(t), Reinevaan, Wörmzäödsje en Hummesknuipke. Ze huèrt bie ‘t gesjlach Tanacetum (de Miedelièwse volksnaam Tanazeta) in de Composietefamilie. 't Ies 'n algemein veurkómmende plant. Ze bleujt van juli-okt en weurt 60-120cm hoag.

Volksname

De Reinevaar en reinevaan weurt zoa geneump vanwege zien sjtandplaats op de rein (grens) tösje 2 sjtökker akkerland. 't Twiède deil van reinevaar kump van varen, vanwege de gevaerde blaar. 't Twiède woorddeil van reinevaan ies óf 'n verbastering van vaar óf beeldsjpraok vanwege de bleujende gael blome (de vaan) op de rein.

De bloom ies 'n sjermvörmige pluum gevörmp door gael knuupkes (buusbleumkes). Vanwege de vörm were die ouch Hummesknuipkes geneump.

Gebruuk

De naam Wörmzäödsje (of Nederlands: Boerenwormkruid) kump van de eigesjap, dat de zäödsjes tege wörmkes gebruuk woorte in de geneeskunde.