Rambo: First Blood part 2

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Rambo II
Regie George P Cosmatos
Productie Buzz Feitzhans
Script Kevin Jarre
Sylvester Stallone
James Cameron
Meziek Jerry Goldsmith
Genre Actie
Oorlog
Lengde 94 minute
Taal Ingels
Vietnamees
Landj Vereinigde Staote
Veurlouper Rambo: First Blood
Vervolg Rambo III
IMDb-profiel

Rambo: First Blood part 2 is 'ne Amerikaanse film uit 1985. De film vertelt 't verhaol euver de Amerikaanse ex-soldaot John J. Rambo dae is achtergelaote, nao de Vietnamoorlog es kriegsgevangene.

Verhaol[bewirk | brón bewèrke]

Laeswaarsjoewing: Ongersjtaonde teks bevat details van de plot en/of de aafloup van 't verhaol.

Het is 1985, en John Rambo, ex-commando en Vietnamveteraan, zit vas veur de misdade die hae haet begaon in Hope, Washington. Hae krieg de kans op gratie, door 'n gevaorlikke missie oet te veure in de jungle van Vietnam. Hae mot foto's make van 'n Vietnamees kamp, deep in de jungle, maar hae moog absoluut gén kriegsgevange bevrieje. Nao 'ne wilde trek, mit 'ne mislukte parachutesprong, en 'n boottoch mit corrupte pirate, kömp Rambo same mit zien lokale helpster, biej 't kamp. Hiej bevriejd hae éine gevangene. Es ze nao 'ne lange achtervolging door Vietnamese soldaote aankomme op de plaots woor ze waere opgepik door de helikopter, géf de laffe commandant van de missie, Murdoch, de opdrach de heli trök te trekke. Rambo en de kriegsgevange waere gepak. Nao hun aankoms in 't kamp, arriveert d'r 'ne helikopter mit Russische soldaote. Rambo wörd wreed gemarteld, in 'ne poging hem te dwinge nao zien basis te laote seine. Hae wit te ontsnappe en same mit zien helpster probeert hae aan de Vietnamese en Russische soldaote te ontkomme. Hae belaoft 't maedje mit te nömme nao Amerika. Gek van bliedsjap let hét neet op en wörd hét doodgeschote. Rambo zint op wraak. Allein roeit hae bao 'n heel leger oet. Hae sjtaelt de Russische helikopter, vernietigt 't kamp, en bevriejt de gevangene. Nao 'n spectaculair lóggevech, kömp Rambo mit de gevangene aan op de lógmachbasis, woor hae aafraekent mit Murdoch.

Cast[bewirk | brón bewèrke]