Röbber

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


't Vergaore van latex.

Röbber is e polymeer det veurkump es 'n emulsie in 't sap van 'n aantal plantesaorte (dit sap is bekèndj es latex), wie de Braziliaanse röbberboum, Indische röbberboum (Ficus elastica), Euphorbia's (Manihot glaziovii), paersbloom ónger angere Taraxacum kok-saghyz, Parthenium argentatum, Funtumia elastica, Landolphia spp. en Cryptostegia spp.. De naam kump van 't Ingels wirkwaord veur "wrieve" (to rub).

Netuurlik röbber weurt doorgaons geproduceerd oet latex, gewónne oete Braziliaanse röbberboum. Óngeveer 33% van dit sap besjteit oet röbber. De latex weurt vervolges gefilterd en verdónd mit water. 't Rizzeltaot hievan weurt mit zoer behanjeld óm de röbberdeilkes te doon sjtolle. 't Rizzeltaot hievan, ouch röbber geneump, weurt tót dón plekskes geróld en gedreug.

Veur 't synthetisch producere van röbber is polymerisatie vereis: e percès det ouch weurt gebroek in de productie van plestik. Veurbilder van synthetische röbbers zeen chloropreenröbber, 1,3-butadieenröbbers en butylröbbers.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Röbber&oldid=362120"