Prusisch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Prusisch of Aajdprusisch is 'n oetgestorve taol in de streek Oos-Pruse, noe verdeild in e Rössisch, e Pools en e klein Litouws deil. De taol waor Baltisch en bezoonder verwant aon 't Litouws. Door de immigratie vaan Duitsers en religieus vlöchtelinge raakde de autochtoon Pruse (in eigeleke zin, dus neet vaan Duitse meh vaan Baltische aofkóms) in de minderheid, tot ze in de zeventiende iew oeteindelek oetstorve daan wel geassimileerd raakde. Roontelum de stad Klajpeda (Memel; allewijl in Litouwe) besteit 'n klein gemeinsjap die de taol nui leve inbläös.
Me moot 't (Aajd-)Prusisch neet verwarre mèt 't "Pruus" (Duits), en ouch neet mèt 't Nederduits dialek vaan Oos-Pruse.