Planeet

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De relatief gruutde vaan de planete Uranus (linksachter), Neptunus (rechtsachter), Eerd (linksveur) en Venus (rechtsveur) oet us zonnestèlsel en de staar Sirius B (midde).

'n Planeet is 'n hiemelliechaam wat volges de definitie voldeit aon drei veurwaarde. 'n Planeet:

1. bevint ziech in 'n baon roond 'n staar;
2. heet genóg massa um mèt häörr eige zwoertekrach de intern krachte vaan häör eige liechaam te euverwinne zoetot daomèt 'n hydrostatisch evewiech bewèrkstellig weurt (m.a.w. gedreug ziech es 'n vleujstof en is daodoor naogenóg roond);
3. heet de umgeving vaan häör baan zuver geveeg vaan aander objekte.

Op de IAU-conferentie vaan augustus 2006 woort bovestaonde definitie aongenome um hiemelliechame binne us zonnestèlsel te classificere. Heidoor verloor Pluto de status vaan planeet. Es aon veurwaarde 1 en 2 weurt voldoon, mer neet aon veurwaarde 3, weurt 't betreffende objek 'n dwergplaneet geneump; veurbeelde zien Pluto, Ceres en Eris. Veur de classificatie vaan planete boete us zonnestèlsel (exoplanete) zien, oonder aandere door de meujleke woernumming, nog gein regels vasgestèld.

De wetenschap die ziech bezighèlt mèt 't bestudere vaan planete en aander hiemelliechame hèt planetologie.