Naar inhoud springen

Pius I

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Pius d'n Ierste

Pius I (Illyrië/Aquileia, urges in d'n iersten iew - Roeme, oongeveer 155/161) waor d'n tiende paus vaan de Roems-Kattelieke kèrk.

D'r is wieneg bekind euver Pius zie leve, mer me wit wel tot heer woersjijnlek oet Illyrië kump - wat allewijl 'ne grensregio vörmp tösse Slovenië, Kroatië en Servië. Ziene broor, Hermas, zou 't Poimēn tou Herma (Pastor Hermae of D'n Herder vaan Hermas) gesjreve höbbe. Hermas neump ziechzelf in deen teks 'ne slaaf. Dit zou kinne beteikene tot Pius I 'ne vrijgelaote slaaf waor. Ziene naom is Latien veur "de vrome".

Pius I waor oongeveer daartien à vieftien jaor paus, wat hendeg laank is veur deen tied.

Zienen heilegendaag is 11 juli.

Zuug ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pius_I&oldid=461595"