Piezel
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Piezel is ein woord dat in väöl Limburgse dialekte veurkump. ’t Haet dan meistal ein van de volgende drie beteikenisse.
- Piezel dat sjteit veur 'ein aaframmeling' ouchwaal 'ein pak sjlaeg' . ’t Wirkwoord hiebiej is piezele. Ein gezègkde dat op dees beteikenis sjleit is "Dae jóng kriet ze flink gepiezeld van zien vader". De herkóms is van van 'ne piezel, ein martelwirktuig in de vorm van ein geselsjmiek die vreuger gemaak woort van ein gedreuëgde rooj (Ned. roede, ein verawwerde benaming veur 'ne penis) van 'n verke of 'ne sjtier. Die rooj woort versjterk mèt iezer en bekleid mèt laer en wirt ouch waal bullepees of kerwats geneump. Vergeliekbaar gezèkdes zint: 'Doe kries se gerammeld!" of "Dae kriet se gerete" of "Dae kriet se doorgelaote".
- Piezel dat sjteit veur 'ein klein emes' ouch dèks in Limburgse dialekte aangeduud mèt 'ne krötsj of kröppel. Ouch wirt d'r dèks ein zjwaak emes mèt bedoeld. Ein gezègkde dat op dees beteikenis sjleit is "Dat menneke is mich eine piezel".
- Piezel dat sjteit veur 'eine sjtreng fien, sjluuk haor' . In väöl Limburgse dialekte wirt biej emes mèt fien, sjlordig haor gesjpraoke euver "piezele haor".