Piet Raijmakers
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Astes, es te dit dialek sjpriks.
Petrus Josephus (Piet) Raijmakers (Aste, 29 september 1956) is eine Nederlandjse sjprèngruter.
Biografie
[bewirk | brón bewèrke]Hae haolde ziene eësjte pries es vieftieënjaorige. Internationale bekèndheid kroog hae in 1991, wiej hae mèt zien paerd Ratina Z de Groate Pries van Aoke wón. Ein jaor later wón hae same mèt Jos Lansink, Jan Tops en Bert Romp teamgoud biej de Olympische Sjpele in Barcelona. In de individuele wedsjtried woort hae tweëde achter de Duutsjer Ludger Beerbaum.
Nao de Sjpele woort Ratina Z verrasjend verkoch aan dezelfde Beerbaum. Raijmakers wis aevel nuuj successe te behaole mèt zien nuuj paerd Rinnetou Z. In augustus van 2006 woort hae waereldkampioen mèt 't nationale team, same mèt Jeroen Dubbeldam, Gerco Schröder en Albert Zoer.
Raijmakers haet een manege biej zien awwerlik hoes in Aste. Ziene zoon Piet jr. is allewiel ouch eine succesvolle sjprèngruter. Raijmakers sr. haet aangekondig dat hae in mieërt 2010 aafsjied zal numme van de sjprèngsjport.