Piet Knarren

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Sjènnes, es te dit dialek sjpriks.

Piet Knarren (Sjènne, 4 augustus 1948) is 'ne trompettis dae veural bekènd is in Nederlands Limburg en Duutsjland.

Biografie[bewirk | brón bewèrke]

Es kèndj sjpeelde hae trompöt in de fanfaar St. Caecilia van Sjènne. Hae sjtudeerde eësj aan de mezieksjoal in Gelaen en later aan 't conservatorium in Mesjtreech. Nog tiedes zien sjtudie richde hae zien eige band op, de E.P.-Band. Mèt dees band begeleijde hae regelmaotig internasjenaal artieste en es sjpecialiteit sjpeelde 't orkes veural op groate eindbals van danssjoale en danskampioensjappe door heël Nederlandj. 't Repertoire besjteit väölal oet nummers van bekènde internasjenaal orkeste zoa es Al Hirt, en Herb Alpert. Lange tied is 't waekeliks te gas es hoesorkes in 't radioprogram van Jos Ghysen op de BRT en ouch sjpeelt 't dèks veur 't NATO hoofkerteer Afcent in Brunssum. Op 't label Killroy versjient 't album Dance Inspiration. Óngertösje treujt Knarren ouch solo op in diverse talentejachte en wint hae doabiej mèr leefs 28 keër. Hae won tweë keër (1967 en 1968) de finale van de bekènde talentejach KRO Springplank in Hilversum, hae wirt dan 'ne väölgevraogde sessiemuzikant en brink ónger ziene eige naam plate oet.

In 1973 kroog hae van de Meziekinsjtrumèntefebriek Schenkelaars in Eindhoven de óndersjeijing Gouwe Trompöt (Gouden Trompet) oetgereik. Piet haet 12 LP's en 14 CD's oetgebrach.

In 1974, wiej de EP-band op heel te besjtaon, góng Piet Knarren heëlemaol solo es trompettis. Hae hèj doe väöl succes in Duutsjlandj wo hae theatertoernees maakde mèt bekènde artieste zoa-es o.a. Rex Gildo, Tony Marshall, Roy Black, Gitte en Erika, Maria en Margot Hellwig. Ouch versjeen hae in groate TV-shows zoa es de Tony Marshall Show, Der grosse Preis, Hallo Heino, Kein schöneres Land, Musikanten Stadle, Grand Prix der Volksmusik, Steiners Hitparade, Volkstumliche Hitparade etc. Groate Duutsje kompeniste woónger Ralph Siegel en Christian Bruhn sjreve nummers veur Piet Knarren en naome langsjpeelplate mèt häöm op.

In 1983 sjtóng Knarren ónger de naam Pete Knarren 3 waeke in de Éngelsje hitparaad mèt 't nummer Midnight Blue. Dit nummer waas gebazeerd op 't Adagio Cantabile oet Sonata No. 8 Pathétique van Ludwig van Beethoven.

Door ziene eige sjtiel van musicere kroog Piet Knarren de biejnaam Gentleman of Trumpet. Ouch woort hae in 2001 óngersjeije mèt ein lintje es Ridder in de Orde van Oranje-Nassau. Ander ondersjeiïnge die hae kreeg zint: de Gouwe legpenning van Genk (B) en Sankt Augustin (D ), de Willi Ostermann orde van Kölle en de Ereplaquette " Menschen helfen Menschen"

Discografie[bewirk | brón bewèrke]

Zuug Piet Knarren Discografie

Óngersjeijinge[bewirk | brón bewèrke]

  • Gouden Trompet
  • Orde Willi Ostermann ges. Köln
  • Gouden legpenning für besondere leistungen der Stadt Sankt Augustin
  • Ehrenmitglied K.G. fidelitas Essen
  • Gouden legpenning van de stad Genk
  • Ehrenmitgelied K.G. sonniger süden Duisburg
  • Ereplaquette Menschen helfen Menschen
  • Legpenning Stetten am kalten Markt .Baden Württemberg
  • Gouden speld SWR 4 (Südwestrundfunk) Mainz
  • Ridder in de Orde van Oranje Nassau

Externe linke/brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Piet_Knarren&oldid=456651"