Piet Camps

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Piet Camps (Venlo, 16 juli 1928 - 5 november 2014) Illustrator, Cartoonist.

Sonny, kleinzoon van Piet, reik de 1e CD van Neet um aan te huure oét aan Piet

Piet Camps zoot zien iërste schrede in de teiken- en cartoonwaereld wie hae op 't Gymnasium van 't St. Thomacollege in Venlo liërde. 't Schoeëlblaad Tolle Lege (Neem en Laes) woord door um veurzeen van teikeninge en cartoons, en zelfs ein aantal strips woorte in dit blaedje gepubliceerd. D'n 2e waereldoorlog had vuuël indrök op Piet gemak zoeëdet vuuël van zien strips in daen tièd euver daen oorlog ginge. Titels wie Helmut Preusch, Military Policeman Johnny Johnson en 't Amerikaanse duo Boogie en Woogie spraeke veur zich. De tekste van dees strips schreef Piet ouk zelf, zoeëdet zien andere talent, 't schriève, zich ouk in dezen tièd óntwikkelde.

Dagblad voor Noord-Limburg[bewirk | brón bewèrke]

Wie zien broor, Hen Camps, dae redacteur waas beej 't Dagblad voor Noord-Limburg, nao aanleiding van de 1e verjäördaag van de bevreiding van Venlo (2 maart 1946) ein artikel euver d'n Amerikaanse Jeep meus schriève, moch Piet dit artikel van teikeninge (Jeeps) veurzeen. Dit beteikende d'n doorbraak van Piet as teikenaer veur de krant. Hae haet dit 35 jaor langk trouw, wiès 1981, gedaon en had ein groeëte schare fans verworve die Piet waekelikse beejdrages trouw vólgde.

E3 Journaal[bewirk | brón bewèrke]

Nao zien aafscheid beej 't Dagblad woort Piet direk ingelièf beej 't E3 Journaal. Heej verzörgde Piet waekeliks ein cartoon ónder de neumer "Krantekopje". Piet koos ein ónderwerp oèt de actualiteit oét en goof dao met zien teikening eine humoristischen dreij aan. Jäörliks verzörgde Piet ouk alle teikeninge veur de Vastelaoves oétgave. Beej Jocus verzörgde Piet alle advertenties in de 't vastelaoves staatsorgaan De Träöt. Dees teikeninge kwame is toenemende maote ouk truùk in 't E3 Journaal, 't Daagblaad etc.

De Träöt[bewirk | brón bewèrke]

Vanaaf 1949 verzörgde Piet de teikeninge in 't lièfblaad van't Venloosch Vastelaovesgezelschap Jocus. Mede door Piet's teikeninge woord de Träöt enorm populair. D'r woord zelfs gezag: "De Träöt? Det is Piet Camps". Alle (ruùm 100) advertenties waere door Piet bedach, van tekste veurzeen én uiteraard geteikend. Idder jaor weer ein enorme opgave. Maar dao is Piet idders kièr (haos 60 jaor al weer) biezónder good in geslaag.

Plate- en CD hoeze[bewirk | brón bewèrke]

Sins jaor en daag waere in Venlo en umstreke vuuël LP- en CD hoeze veurzeen van originele teikeninge van Piet. Alle oètgaves op dit gebied van Jocus zien door um óntworpe.

Euverig[bewirk | brón bewèrke]

Door zien talente én zien bekindheid haet Piet aan vuuël "euverig zake" met zien teikeninge ein beejdrage geleverd. Zoeë oèt de losse pols (en dan waere d'r hónderde vergaete): Trouw- en geboortekaertjes, de strip "Max en Sies" (reclame strip veur Maxis), feesgidse, reclamecampagnes veur Océ,Frans Maas, de Gemeente Venlo, acties veur de Zonnebloem, illustraties beej artikele van o.a. Baer van der Meij, Jan Pollux, JP Jansen, enz. enz.

Bibliografie[bewirk | brón bewèrke]

D'r zien ein 2-tal beuk euver Piet en zien werk oétgegaeve:

In 1984: "......was getekend: Piet Camps", 38 jaar joyriden door het Lagblad voor Noordlimburg = Dagblad voor Noord-Limburg

In 2003: "Piet Camps in beeld"

De oétgave van dit letste book waas taeves de start van ein tentoënstelling euver Piet's werk in 2003 in 't Limburgs Museum in Venlo.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Piet_Camps&oldid=358992"