Peter Harings

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

Peter Harings (Sub, 16 jannewarie 1961) is 'ne veurmalige Nederlandse fitserenner.

Biografie

Harings waas professioneel fitserenner van 1986 pès 1990. Hae sjtamp oet ein Limburgse fitserennersfemilie en is eine oomzègker van Huub, Jan en Ger Harings. Aleër hae eindj 1986 op 24-jaorige laeftied euversjtapde nao de profs hèj hae vief jaor es amateur gereje, wobiej hae zich óntwikkelde in zien sjpecialiteite, de cyclocross en 't rieje in heuvelechtig terrein zoa-es de Ardenne. Biej 't veldjrieje woort hae in 1985 Nederlands kampioen biej de amateurs.

In 1985 behaolde hae es amateur zien groatste euverwinning in zien loupbaan wie hae individueel Nederlands Kampioen op de waeg woort. In 't zelfde jaor behaolde hae ouch ein euverwinning in 't eindjklassemènt van de Triptyque Ardennais.

Biej de professionals waas hae minder succesvol en waas d'r allein mèr ein knechterol veur häöm weggelag. Zien ènnige aansjpraekende euverwinning waas ein etappe-euverwinning in de Runj van Denemarke in 1987.

Belangriekste euverwinninge en eëreplaatsje

1982

3e in 't eindjklassemènt van de Runj van Luuk

1983

1e in de 2e etappe deil b Triptyque Ardennais
2e in de 3e etappe Triptyque Ardennais
2e in 't eindjklassemènt Triptyque Ardennais

1985

1e biej 't Nederlands kampioensjap op de waeg, amateurs
2e in 't eindjklassemènt Circuit des Ardennais
2e in de 4e etappe Runj van Zjwede
1e in de 3e etappe Triptyque Ardennais
1e in 't eindjklassemènt Triptyque Ardennais
2e in 't eindjklassemènt Runj van Wes-Henegouwe
3e in de Runj van Limburg

1987

1e in de 4e etappe Runj van Denemarke
1e in Berlare

1988

3e in de 2e etappe Runj van Belsj

Tourdeilnames

Gein

Ploge