Peter Buwalda

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Peter Buwalda in 2019.

Peter Buwalda (Brussel, 30 december 1971) is 'ne Nederlandse schriever, columnis en veurmalig journalis. Hae is veural bekind es auteur van de lange, ambitieuze romans Bonita Avenue en Othmars zonen, die beej verschiening vuuel van zich deje spraeke.

Biografie

Buwalda greujde op in Blierik; Venlo en Blierik in 't bezónder kwame in zien romans (veural Othmars zonen) prominent veur. Hae waas medeoprichter van 't tiedschrif Wah-Wah en publiceerde ouk in Bunker Hill, De Gids, Hollands Maandblad en Vrij Nederland. As essayis bleef hae in rillatieve ónbekindheid doorwerke. Dao kwaam pas verandering in wie in 2010 zienen ierste roman oetkwaam, Bonita Avenue. Hae kreeg mit dit laat debuut diverse prieze oetgereik. Pas nege jaor later volgde zien twieëde book Othmars zonen. Dit waas vergeliekbaar waat stiel, umvank en inhald betröf. Ouk dit book woort e groeët commercieel en kritisch succes.

Stiel

De romans van Buwalda zien ambitieus: ze zien diek, 't proza is riek mit wiedluipige zinne. 't Verhaol wuuert oet verschillende perspectieve verteld, mit vuuel flashbacks. Vaste motieve zien d'n ambitieuze vader, dae zien kinder neet wilt zien mislökke, de jónk/man dae die ambities neet kin waormake, en de carrièrevrouw. Truukkierende plaatse zien Blierik/Venlo en Enschede. D'n inhald van de twieë beuk suggereert det de verhaole neet allein thematisch verwant zien, maar det sommige van de figure zich ónderein kinne; Buwalda haet laote doorschiene det ze in 'ne vervolgroman beejein gaon kómme.

Publicaties sinds 2010

• Bonita Avenue (roman). Amsterdam, De Bezige Bij, 2010.
• De wethouders van Juinen. (20e Kellendonklezing). Numwaege, Radboud Universiteit, 2013.
• Suzy vindt van niet (columns). Amsterdam, De Bezige Bij, 2014.
• Van mij valt niks te leren (columns). Amsterdam, De Bezige Bij, 2015.
• De kurk. Nader tot Mart Smeets (bibliofiel oetgaaf). Mit teikeninge van Paul van der Steen. Haarlem, De Korenmaat, 2016.
• Verse probz. (columns). Amsterdam, De Bezige Bij, 2016.
• De kleine voeten van Lowell George (columns). Amsterdam, De Bezige Bij, 2017
• Otmars zonen (roman). Amsterdam, De Bezige Bij, 2019.

Bron

Dit artikel is gebaseerd op, maar neet vertaald oet, 't corresponderend Nederlandstalig artikel, en waal in dees versie.