Perifeer zaenstèlsel

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


't Perifeer zaenstèlsel.

't Perifeer zaenstèlsel is 't deil van 't zaenstèlsel det boete 't centraal zaenstèlsel is gelaenge. 't Perifeer zaenstèlsel vörmp de verbinjinge van en nao de organe en weefsele en 't centraal zaenstèlsel. 't Wuèrtj nao fónksje verdeildj in 't autonoam zaenstèlsel en 't somatisch zaenstèlsel (of animaal zaenstèlsel). 't Besteit oet einendertig paar aan spinaal zaene oet 't rögkemarg, twellef paar aan herrezaene oet de herrestam, twieë grensstrenge die links en rechs naeve de rögkegraot ligke en häör biebehuèrendje zaencelle die ouch boete 't centraal zaenstèlsel ligke. Dees zaene innervere ónger anger de spiere, organe en lidmaote. 't Perifeer zaenstèlsel verbindj de geneumdje strukture mit 't centraal zaenstèlsel; in taengestèlling tót det litste wuèrtj 't perifeer zaenstèlsel neet besjurmp door knäök of anger breers.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Perifeer_zaenstèlsel&oldid=393662"