Parkour

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Parkour (ouch Le Parkour of PK of l'art du déplacement, de kuns vaan bewege) is 'ne vörm vaan fysieke inspanning woebij zgn. traceurs 'n route aflègke langs hindernisse. De route is neet oetgestippeld en geit miestal door steieleke umgeving wie parke, gebouwe, enz. 't Verlègke vaan grenze en de vrijheid is belaankrieker es 't euverwinne vaan de hindernisse.

De techniek is oontwikkeld door David Belle, dee geïnspireerd waor door ziene pap. Dee had namelek in de Vietnamoorlog 'n oontsnappingstechniek gelierd vaan Georges Hébert, 't Hébertisme, die nog steeds weurt gebruuk in traininge door 't leger. 't Is 'n meneer um d'ch snel te verplaotse vaan punt nao punt. Belle woort gevolg door Sébastien Foucan en nog 7 aandere, en vörmde 'n gróp, Yamakasi geneump, die de Parkour-technieke steeds weier oetwèrkde. De groep splitsde ziech later en Belle en Foucan gónge hunnen eige weeg. De gróp die ziech roond Foucan organiseerde weure Free runners geneump, mer Foucan heet steeds gezag tot freerunning en parkour 'tzelfde zien. Toch zien dao versjèlle: parkour is mier 'n techniek die gebruuk weurt in geval vaan noed, boebij snelheid belaankriek is, dewijl free running mier op de vloeiende beweginge geriech is en 't good oetzien devaan.

'n Parcours ies 'n bie 'ne wedsjtried te volge route.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Parkour&oldid=341692"