Paramaribo

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Paramaribo is de hoofstad vaan 't land Suriname en vörmp 't gelieknaomeg stadsdistrik Paramaribo. De stad, mèt in 2004 zoe'n 242.946 inwoeners, ligk aon de wesover vaan 'n rivier dee ouch Paramaribo geneump weurt.

Historie[bewirk | brón bewèrke]

De naom Paramaribo is woersjijnelek 'n verbastering vaan de naom vaan 'n Indianedörp, Parmirbo (of Parmurbo of Parmarbo) geneump. In 1631 zouwe Nicolaes Baliestel en Dirck Claeszoon van Sanen bij dit dörp 'n facterij höbbe gevesteg. In 1644 oontstoont ouch 'n Franse nederzètting in de buurt. De Nederlandse facterij woort later weer verlaote en veel in Britse hen. De Britte bouwde heinao 'n fort geneump Fort Willoughby. Zie vestegde ziech evels in Thorarica, 'n plaots mie in 't binneland gelege ten zuie vaan de allewijlse stad. Meh, in 1667 woort 't gebeed vereuverd door 'n Zieuwse expeditie mèt zeve sjepe oonder leiing vaan Abraham Crijnssen. De Zieuwe herneume 't fort Zeelandia en duipte Paramaribo um tot Nieuw Middelburg (Nui-Middelburg), 'n naom dee noets is aongeslage. Fort Zeelandia woort 't centrum vaan de nui kolonie; zoe belaankriek tot Paramaribo door neet-inwoeners nog tot ummertouw foto weurt geneump, 'n verbastering vaan fort. Vaanaof 't fort woort Paramaribo nao 't weste touw oetgebreid, boebij me heet gebouwd op zoegeheite ritse, reifelvörmege sjölpaofzèttinge.

Mierdere kiere voonte groete stadsbrande plaots; de groetste waor in 1821. Nao de afsjaffing vaan de slaovernij in 1863, en 't aofloupe in 1873 vaan de tienjaorige periood vaan gedwónge arbeid, trokke väöl veurmaolege slaove nao de stad. Dit maakde de ierste groete stadsoetbreiing noedzakelek. Tot 1950 woende erm en riek doorein. Op de erve vaan groete woeninge woorte kabberdoese veur slaove gebouwd; later vestege ziech hei de erme. Vaanaof 1950 oontwikkelde de euverheid groete bouwprojekte, en zien de rieke nao 't zuidweste vaan de stad getrokke.

Bestuurleke deile[bewirk | brón bewèrke]

De oonderdeile (ressorts) vaan 't stadsdistrik Paramaribo zeen:

Demografie[bewirk | brón bewèrke]

Oonderwies[bewirk | brón bewèrke]

Op 't gebeed vaan oonderwies is Paramaribo de belaankriekste stad vaan Suriname. De Anton de Kom Universiteit vaan Suriname is de einege universiteit in 't land en heet drei faculteite en 16 studieriechtinge. Dit zien de Faculteit vaan de Maotsjappijwetensjappe (Nederlands: Faculteit der Maatschappijwetenschappen), de Faculteit vaan de Medische Wetensjappe (Nederlands: Faculteit der Medische Wetenschappen) en de Faculteit vaan de Technologische Wetensjappe (Nederlands: Faculteit der Technologische Wetenschappen). Neve de universiteit besteit ouch 't Natuurtechnisch Instituut en 'n vesteging vaan de HBO instèlling INHolland.

Transport[bewirk | brón bewèrke]

Partnerstei[bewirk | brón bewèrke]

Gallerij[bewirk | brón bewèrke]

Extern linke[bewirk | brón bewèrke]

Commons: Category:Paramaribo – Media gerelateerd aan dit óngerwerp
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Paramaribo&oldid=409244"