Pafos

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Pafos (Nuigrieks: Πάφος, Páfos, Törks: Baf) is 'n Cypriotisch stad en zie is ouch de hoofplaots vaan 't distrik Pafou. 't Ligk aon 't zuidweste vaan 't eiland, aon de Mediterraonse Zie. In 2011 tèlde de stad in häör gehiel 33.000 inwoeners en es de gaans gemeint 66.000 inwoeners. De stad is in de Klassieken Aajdheid verhuis vaan plaots. Aajd Pafos loog op 't gebeed, boe noe 't dörpke Kouklia ligk. Kouklia is evels wel 'n deil vaan de gemeint en me kin dao nog hendeg väöl aw ruïnes zien vaan 't aajd, verlaote stedje. Qua ikkenomie is Pafos peur en allein toerisme. De gans stad steit op de, door de VN opgeriechte, werelderfgoojlies. D'r geit, zoewie euveriges nurges op 't eiland, trein nao 'n aander stad. Pafos heet daoneve 'n gaans kleij haveke dat 'n boet heet die mer heerdeweer geit nao ein aander stad: Lemesos.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pafos&oldid=347777"