Augustus (keizer)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Imperator Caesar Augustus (23 september 63 v.Chr. Roeame - 19 augustus 14 n.Chr., Nola) waas d'n ieëste princips van Roeame óm middels cummulatie van versjillige beveugheje van rippeblikeinse magistrate de feitelike mach in henj te kriege euver Roeame.

Augustus waar 'nen achternaef en de veurnaamste irfgenaam van Gaius Iulius Caesar en wón de machsstried die volgdje oppe maord op Caesar in 't jaor 44 v.Chr., en vanaaf 31 v.Chr. waas d'r d'n alleinhieërsjer euver 't Romeins Riek (Imperium Romanum). Hae maakdje 'n ènj aan 'nen ieëf aan börgerkriegen en stifdje inne dao-opvolgendje periood de Julisch-Claudische dynastie. Ónger 't móm van 't herstèl van 't rippebliek (restitutio rei publicae) veurdje d'r in wirkelikheid 'n duurzaam ómvörming toet 'n monarchie (principaat) door. Zien hieërsjappie móndje oet in 'ne langdoerigen tied van interne vraej, dae es Pax Romana wuuertj aangegaeve.