Oarsjelp

Van Wikipedia

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


'n Oarsjelp.

De oarsjelp of oarmoesjel (Letien: auricula) is 't oetwenjig deil van 't gehuèrorgaan, 't oar. Bie väöl zougdere is de oarsjelp bewaegelik en kan 't biès door daomit te bewaege de richting verangere worin 't 't bèste huèrtj. Bie luuj is det aevel anges: tródsdet sómmige luuj mit de oarspiere waal häör oar kónne bewaege, is dees bewaeging te klein veur van invlood te zeen op 't richtinghuère. Miense doon 't richtinghuère veurnamelik mit häör twiè aafsjillige oare: links en rechs. Wiejer hölp de vorm van de oarsjelp veur 't make van óngersjied en kan me zoa bestumme of e geluid van baove of van ónger aafkump.

De vorm van 'n oarsjelp is aeve unieks es 'n vingeraafdrök, wodoor me mit 'n aafdrök van de oarsjelp van emes ouch emes kan opspäöre.

Ouch de oarlel is 'n óngerdeil van de oarsjelp.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oarsjelp&oldid=389691"