Neva

Van Wikipedia
Naar navigatie springen Jump to search

Dit artikel is begós in 't Oeals. Laes hie wie v'r mit de versjillende saorte Limburgs ómgaon.


Sjtruiming van'ne Neva

De Neva (Russisch: Нева, sjpraek oet: Njèvwa) is 'n rivier in Ruslandj. De rivier is 74 km lank en variërendj van 200 toet 1200 maeter breid. Hae sjtruimptj van 't Ladogamaer nao de Ooszee (Finse Golf). De Neva is ongerdeil vanne Wolga-Baltische waterwaeg tösse de Ooszee, de Kaspische Zee enne Witte Zee. Ane monjing vanne Neva ligktj de belangrieke sjtad Sint-Petersburg. De gemiddeldje wieväölheid water die door de Neva sjtruimtj is beheurlik groot, d'r sjtuimtj biejveurbeeldj meer water door es door de Rien en is ongeveer 2.500 m³/s.

's Nachs tösse 2 en 5 oer waere alle brögke euver de Neva aopegeklap, wodoor tösse de versjillendje sjtadsdeile gein verbinjinge meer zeen. Inne witte nachte, van eind juni toet midde juli, kumptj in dae tied ein sjeepskonvooi langs en sjtaon d'r doezendje miense dit sjousjpel te bekieke.


Brögke euver de Neva:

  • Blagoweschtschenski-Brögk (vreuger Luitenant-Schmidt-Brücke)
  • Schloss-Brögk
  • Troizki-Brögk
  • Litejny-Brögk
  • Bolscheochtinski-Brögk
  • Alexander-Newski-Brögk
  • Wolodarski-Brögk
Koperwerk: Sint Petersburg en Neva (1753)

Bronne[bewirk | brón bewèrke]

Dit artikel is gebaseerdj oppe artikele die te vinje zeen oppe Duitse en Nederlandse Wikipedia.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Neva&oldid=418470"