Negentiende iew veur Christus
twintegste iew veur Christus - negentiende iew veur Christus - achtiende iew veur Christus
De negentiende iew veur Christus leep vaan 1900 v.Chr. tot en mèt 1801 v.Chr. De insegste besjavinge die noe leesbaar tekste naolete, en boe v'r dus historie vaan kinne sjrieve, waore nog ummer de Mesopotamiërs en de Egyptenere. Belaankrieke besjavinge daoneve waore de Minoërs (die toen in de vreuge paleizentied zaote), de Indusbesjaving (die toen häör lèste fase ingóng) en de Norte Chicobesjaving.
Groete gebäörtenisse[bewirk | brón bewèrke]
Dèks bij benaodering.
- 1897: Begin regering Senusret II
- 1878 of 1874: Senusret II störf en weurt opgevolg door Senusret III
- 1860: Senusret III oondernump straofexpedities tege de Nubiërs
- 1855 of 1839: Senusret III störf en weurt opgevolg door Amenemhat III
- 1803: Begin Daartiende Dynastie in Egypte mèt de regering vaan Sekhemre Khutawy Sobekhotep.
Zoonder jaortal[bewirk | brón bewèrke]
- ca. 1900: Begin cultivatie cacao in Midde-Amerika.
- ca. 1900: De havestad Lothal vaan de Indusbesjaving weurt verlaote
- Meugelek ierste gesjreve tablètte in Hattusa, de (later?) hoofstad vaan 't Hittieteriek
- Ierste Hittitische glosse in (Akkadischtaolege) kleitablètte oet Kanesj. Dit is 't ajdste euvergelieverd materiaol in 'n Indo-Europese taol.