Bekiek brón van Nasaal

{{Dialek|Mofers}}
'ne '''Nasaal''', '''nasalen [[occlusief]]''' of '''naasklank''' is inne [[fonetiek]] 'ne [[mitklinker]] dae wuuertj gemaak mit e verlieëg verhieëmeldje, wodoor lóch kan vriekómme dore naas. Veurbiljer van nasale zeen [[alveolaire nasaal|{{IPA|n}}]] en [[bilabiale nasaal|{{IPA|m}}]], wie inne wäörd ''<u>n</u>aas'' en ''<u>m</u>óndj''. Nasale kómme bao in eder miensjelike spraok veur, al guuef 't 'n inkel oetzunjering. Sómmige spraoke höbbe nag anger vörm aan naasechtige klenk; hiebie sprèk me van [[nasalisering]].

Wie gezag struimp de lóch bie 'ne nasaal dore naas. Ze óntkump aevel neet dore móndj, went dae wuuertj toegehaje dore luppen of de tóng. Waat waal is, is det de móndjhäöldje nag ummer deensduit es 'n waerklanksruumdje wodoor de klank wuuertj versterk.

De meiste nasale zeen [[stumhöbbendjheid|stumhöbbendj]]; feitelik zeen de nasaal klenk {{IPA|n}} en {{IPA|m}} de meis-veurkómmendje klenk inne spraoken oppe werreld. Stumloeaze nasale kómme veur in inkel spraoke, worónger 't [[Burmees]], [[Welsj]] en [[Ieslandjs]]; in 't Limbörgs kèntj me ze allein es [[allofoon|allofone]] vanne stumhöbbendje nasalen in 'ne stumloeaze kónteks.

Nasale zeen [[sonorant]]e.

[[Categorie:Fonetiek]]