Provinciale weëg 281
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
D'r provinciale weëg 281 is 'n wichtige verbinging vuur oeëstelig Zuud-Limburg. D'r weëg besjteet oet twieë deler. 't Ieësjte vingk aa bei knooppunt Genesje (Ten Esschen) ten noarde va Heële en indig bei knooppunt Bóches, zjus aa g'n Dütsje grens. 't Is 'n sjtadsautobaan i g'n gemingde Heële en i g'n regio Parksjtad en functioneert es parallelweëg va d'r A76. 't Twieëde sjtök tussje Bóches en Nieswiller is kót en oetgeboewd es 'ne normale provinciale weëg mit twieë vaarsjtroake en geliekvloesje krütsinge. Dit gedilte is 'ne wichtige óntsjletingsweëg vuur 't Huëvellank. Me kin zoeë sjnel plaatsje wie Vols, Zumpelveld of Gulpe berieke.
De totale lingte va d'r N281 is 15,6 kilometer. De maximumsjnelheed ligk óp 't autobaanachtig deel óp 100 kilometer per sjtónde, óp 't anger deel óp 80 kilometer per sjtónde.
Gesjichde
[bewirk | brón bewèrke]D'r N281 woar oersjprunkelig óngerdeel van e Rieksweëgplan. I de vunneftiger en zestiger joare waor d'r weëg aagelag en houw d'r nómmer A76. Bei Nieswiller mós d'r N281 aasjlete óp d'r A78, hüj provinciale weëg 278. D'r A79 tussje Mesjtreech en Heële maakde d'r A78 uëverboajig. I de zeëvetiger joare woeëd d'r A76 veëdig. 't Sjtök bei Heële houw tevöal gevierlige erfaasjletinge en aasjletinge mit lokaal weëg. Óch goof 't nog geliekvloesje krütspunte en te wieënig meugelighede um d'r weëg te verbreije. Doarum woeëd 't in 1976 verlag noa 't hütse tracé, get ten weste Heële. De anger autobaan bleef en koam i heng va provins Limburg. In 1983 woeëd 't provinciaal weëgnet genómmerd. D'r weëg koam zoeë aa zinge nómmer.
In 2001 woeëd knooppunt Bóches umgeboewd tot 'ne gewuëne óp- en aafrit. De sjletinge va de miene en de umleijinge va de weëg A78/A79 en A76, mit es gevolg minder verkier, maakde dit knooppunt uëverboajig.
Touwkoms
[bewirk | brón bewèrke]I g'n touwkoms zal d'r N281 aasjlete óp de Boetering Parksjtad Limburg, die de sjteë i g'n oeëstelige Parksjtad verbingk mit 't westeliger en dunbevólkder Huëvellank.
Trajek
[bewirk | brón bewèrke]| punt in trajek | aasjleting | |
|---|---|---|
 |
Genesje | A76 |
 |
||
 |
Heële-noard | |
|
Parksjtad 9200-9400 | |
|
Mesjtreech | A79 |
|
Heële-Zuud | |
|
Kirkroa-Wes | |
|
Kirkroa | N300 |
|
Fabrieksterrein Avantis | |
 |
||
 7 |
Oake, Antwerpe, Kölle (vuurmalig knooppunt Bóches) | A76 |
 |
Zumpelveld | |
|
De Boanhei | |
 |
Nieswiller | N278 |
Bilder
[bewirk | brón bewèrke]-
"Knooppunt Ten Esschen" -
D'r N281 bei Heële
