Mountainbike

Van Wikipedia
Naar navigatie springen Jump to search

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


'ne Mountainbiker in de weuste vaan Arizona.

Mountainbike (oetspraok ['mɑuntənˌbaikə]) is 'nen tak vaan fietsrenne dee besteit oet 't fietse neve de weeg mèt 'ne speciaol daoveur oontworpe fiets, ouch mountainbike (['mɑuntənbaik]) geneump. Dee fiets is rillatief klein, heet e dikker frame en dikker boeteben mèt väöl profiel um tegen 't rouw terrein te kinne, en speciaol versnellinge die 't meugelek make te sjakele zoonder in te hawwe. De sport heet in opzat väöl gemein mèt cyclocross (wat op gewoen racefietse weurt gedoon). 't Mountainbike is roond 1980 in de Vereinegde Staote oontstande en woort al gaw 'n raasj in gans de westerse wereld. Bij 't mountainbike oondersjeit me crosscountry, trail, all-mountain, downhill, freeride en dirt jumping. D'n ierste vörm weurt 't mieste gedoon en is sinds 1996 Olympisch. 't Waor de Nederlandse Limbörger Bart Brentjens dee hei op de Speule vaan 1996 in Atlanta de gouwe medaaje pakde.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mountainbike&oldid=405865"