Motion capture

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Motion capture is 'n techniek die gebruuk weurt um beweginge vaan lui te kopiëre nao realistische animaties.

Ein techniek (optisch) um dees beweginge vas te lègke is door op bepaolde plaotse vaan 'ne proofpersoen lempkes aon te bringe en dees plaotse 'n vaste positie te geve. Es vervolges de beweging vaan dees plaotse vasgelag weurt kin ze omgezat weure nao 'n animatie.

Bij inertieel techniek veur motion capture, weurt gebruuk gemaak vaan miniatuursensors: versnellingsmeters, magnetometers en gyroscopen. Daomèt weure de beweginge geregistreerd en nao de computer gesjik. Dao weure de metingen umgezat in beweging en kin real-time 'ne 3D animatiefiguur gevolg weure op 't beeldsjerm.

Neve optisch en inertieel kint motion capture nog veer aander technieke: mechanisch, elektro-mechanisch, magnetisch en reflectie-tape.

Veur väöl computerspäölsterkes en animatiefilms weurt tegewoordeg dees techniek gebruuk. "Motion Capture" weurt dèks aofgekort weergegeve es "Mocap".

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Motion_capture&oldid=340473"