Mootwörm

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


De Mootwörm is ein joekskepel oét Venlo.

De Mootwörm zien opgerich op 1 juli 1985 door ein stel vrinde. Zeej bestaon oèt rùum 20 muzikante, met ein traditionele bezetting van slaagwerk, träöte, schuùve, tuba's, baritons, tenorsax, alt-sax en sousafoon. Zeej zien in Venlo de iërste Joekskepel die oëïts de iër hebbe gehad de Venlose Boerebròelof te meuge organisere, det hebbe zeej in 2007 ter gelaegenheid van eur 22-jäörig gedaon.


Optraejes[bewirk | brón bewèrke]

De Mootwörm traeje 't ganse jaor door op in gans Noord-Limburg maar ouk dök dao bòete. Zeej hebbe al in Luxemburg, België, Frankrièk en vuuël in Pruùsses opgetraoje. In Venlo zien zeej op tal van evenemente te vinde van Jocus, de Boëtezitting, as vaste hoèskepel van Jocus Toekôms. Ein jaorliks truùkkiërend evenement zien de Bemmelse Dweildagen wao zeej al vanaaf 1992 onaafgebraoke acte de présence gaeve en ouk al ens tot orgineelste orkès van Nederland zien oètgeroope. Vaerders zien zeej 3 kiër op riej 3-de gewaore op het LKZH (Limburgs Kampijoensjap Zaate Hermeniekes) Sedert inkele jaore organisere zeej ut Joekskepelletreffe in ut Nolenspark. Vaerders doon dao ouk inkele teams mei aan Tieën veur Taal van 't Veldeke (Taalkwis), wao ein team beslaag wis te legge op de iërste plaats.

Oètgaves[bewirk | brón bewèrke]

  • 1996 "Mootwörmbeer", ein eigese beer gebrouwe beej de Friese Beerbrouwerie det de keel good smeerde en ter gelaegenheid van 't 11-jäörig bestaon is oètgegaeve.
  • 2002 " Molle & Kruutse", ein semi-live CD mit maar leefs 20 nummers.
  • 2007 "Boerebroèlofskalender", eine kalender gans in alde stièl mit schoén foto's van 't Boerebroelofsgezelschap gemak op biezondere plaatse in Venlo, zoëwie in 't Stadhoès.

Gooije doel[bewirk | brón bewèrke]

Inkele jaore naodet ald-lid Sjraar Gubbels nao Brazilië is geëmigreerd haet hae in zien woënplaats Patos de Minas ein good doel opgerich; Crianca Feliz, det zich tot doel stelt erme kinder ein baetere Kers te gaeve. De Mootwörm druuëg jaorliks opbringste oèt activiteit beej aan dit doel.

Externe leenk[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mootwörm&oldid=411001"