Mike Teunissen

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't IJselsteins, as te dit dialek sjpriks.

Mike Teunissen in 2015.

Mike Teunissen (IJselstein, 25 augustus 1992) is 'ne Nederlands-Limbörgse fietsrenner. Anno 2019 fiets heer veur Team Jumbo-Visma. Heer deeg vreuger veural cyclocross, meh heet ziech de lèste jaore touwgelag op de weegkoers.

Teunissen begós in 2002 mèt fietsrenne. Bij de juniore haolde heer al get besjeie successe. Zoe woort heer in 2009 daarde bij 't NK op de weeg, twiede bij 't NK cyclocross en veerde bij 't EK cyclocross veur juniore. Bekinder woort heer vaanaof 2011, wie heer twiede woort op 't WK cyclocross veur beloftes, nao Lars van der Haar. 't Jaor dao-op woort heer Europees kampioen cyclocross bij de belofte, in 2013 zelfs wereldkampioen in dezelfde disciplien.

Daonao deeg Teunissen veural nog weegkoerse. Heer debuteerde in 2015 in de Runde vaan Spaanje en in 2017 in de Runde vaan Fraankriek. Ouch in 2019 deeg heer dao-aon mèt. In de ierste etap vaan deen Tour won heer de massasprint vaan (oonder mie) Peter Sagan. Dit maakde häöm, gans oonverwach, d'n ierste Nederlander sinds Erik Breukink in 1989 in de Gelen Trieko.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mike_Teunissen&oldid=435178"