Mexico-stad

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Collaasj vaan gebouwe in Mexico-stad.

Mexico-stad (Spaons: Ciudad de México) is de hoofdstad vaan Mexico, gelege in de Mexico-vallei, oongeveer in 't midde vaan 't land. De stad is e federaol distrik en heet 'n bevolking vaan bekans nege mieljoen inwoeners. Ze weurt umslote door de staot Mexico, die ouch zoe good wie gans bebouwd is; de ganse agglomeratie heet mie es 20 miljoen inwoeners en is daomèt de groetste agglomeratie in de Nuie Wereld. Mexico-stad domineert 't ecomisch, politiek en cultureel leve vaan 't land. De stad geit trök op Tenochtitlan, de hoofstad vaan 't Aztekeriek die volgens traditie in 1325 woort gestiech. Bij de Spaonse vereuvering in 1521 woort de stad gooddeils verweus, en astrein op las vaan Hernán Cortés weer opgebouwd um es hoofstad vaan de kolonie Nui-Spanje te dene. Veural in de zeventiende en achtiende iew woorte väöl proonkvol gebouwe opgeriech in de typische koloniaole barok. Bij de oonaofhenkelekheid vaan Mexico in 1821 woort de stad residentie vaan de keizer, later president vaan Mexico; sinds 1824 es federaol distrik los vaan de staot Mexico. De stad bleef in de negentienden en twintegsten iew explosief greuje. Dit leide tot diverse probleme die me in Latiens Amerika dèkser in groete stei vint: sloppewieke, hoeg misdaodciefers en 'n oondrageleke lochvervojling. 't Lèste probleem, boe Mexico-stad in de jaore 1990 beröch um woort, is de aofgeloupe twinteg jaor sterk verminderd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mexico-stad&oldid=412053"