Mexicane

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


De Mexicane (Sjpaans: mexicanos) zeen de luuj van Mexico, in Naord-Amerika.

De Mexica sjtichde Tenochtitlan in 1325 es 'nen altepetl ('n saort sjtadssjtaot) op 'n eilandj in 't Texcocomaer in de Vallei van Mexico. Dit waerde de houfsjtad van 't gruiend Azteeks Riek in de viefteenden eeuw, toetdet 't in 1521 door de Sjpanjaarde waerde vereuverd. Op 't heugtepuntj waas Tenochtitlan de grótste sjtad van gans Amerika. Nao de vereuvering waerde 't 'n óngerdeil van Nuuj-Sjpanje ónger de naam Mexico-sjtad.

Naodet Mexico ónaafhenkelik waerde van Sjpanje begós 'n nasjenaal identiteit te óntsjtaon wobie de kulture van de inheimse Indiane samesjmólt mit die van de Europeane, veural die van Iberië.

De meiste Mexicano kalle de Mexicaanse variant van 't Sjpaans, mer e klein deil van de bevolking sjprik nag ein tale van de 68 versjillende inheimse taalfemilies. Wiejer geuf 't nag ander tale die door immigratie nao 't landj zeen gebrach, worónger Duitse dialekte. Taengeweurdig is zón 21,5% van de bevolking in Mexico (deils) Indiaans; zoget 12 miljoen Mexicane wone euver de päöl, veural in de Vereinigde Sjtaote.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mexicane&oldid=436455"