Melbourne

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


Woukkretsjers in 't centrum van Melbourne.
De ligking van Melbourne in Australië.

Melbourne is de houfstad van d'n Australischen deilstaot Victoria en is in 1835 gestif gewaore door 'n groep koloniste oet Tasmanië. In 1842 woort de plaats 'n stad.

Melbourne is ouch de grótste stad van Victoria mit 'n inweuneraantal van 4.347.955 in 2013.

De stad is verneump nao d'n Ingelse staotsman Lord Melbourne, dae t'n tieje van de stifting van de stad in 1835 juus aan zien twièdje regeringsperiood es minister-president van Groat-Brittannië waas begós en waas gebaore in 't Ingels plaetske Melbourne in Derbyshire.

Van 1901 tót 1927 fungeerdje Melbourne es de zaetel van 't Australisch parlement en de fidderaal regering.

De plaats ligk aan de zuudoaskus van Australië, zoaget 800 kilomaeter t'n zuudwèste van Sydney. De stad ligk aan de Port Phillip Bay en is geboedj rónjelóm de reveer de Yarra.

Melbourne wuèrtj betrach es de cultureel en modehoufstad van Australië. De stad is biezunjer multicultureel (zoaget ei derdje van de bevölking is neet gebaoren in Australië). Zoa guèf 't Griekse, Italiaanse, Törkse, Sjinese en Viëtnamese wieke. De stad besjik euver väöl gooj restaurantje.

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Melbourne&oldid=381007"