Meierijstad

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Meierijstad

Ligking vaan Molenwaard in Noord-Braobant.

Provincie Noord-Braobant
Hoofplaats Veghel[1]
Börgemeister (lies) Marcel Fränzel a.i. (D66)[2]
Opperflaakde
– daovan water
185,52 km²
1,42 km²
Inwoeners
deechde:
79.827 (30-11-2016)
433/km²

Meierijstad is 'n gemeinte in de Nederlandse provincie Noord-Braobant, die op 1 jannewarie 2017 is gevörmp oet de gemeintes Schijndel, Sint-Oedenrode en Veghel. De gemeinte is geneump nao de Meierij, e deil vaan Noord-Braobant boe de gemeinte e groet deil vaan geit besloon. Hoofplaots vaan de gemeinte weurt Veghel.

Kerne[bewirk | brón bewèrke]

De gemeinte umvat de volgende kerne umvatte (Braobantse naome tösse häökskes, volges 't plaotselek Meierijs dialek en in de Braobantse rifferentiespèlling): Boerdonk (Boerring), Boskant (D'n Boskant), Eerde (D'Eerd), Erp (Èrp), Keldonk (Kélling), Mariaheide (Mariahei), Nijnsel (Nènzel), Schijndel (Skèndel), Sint-Oedenrode (Rooi), Veghel (Vèchel), Wijbosch (Wéépes) en Zijtaart (Zijtert). 't BAG hèlt 't bij veer kerne: neve de drei aw gemeintehoofplaotse is dat allein Erp.

Karakter en cultuur[bewirk | brón bewèrke]

't Groondgebeed vaan Meierijstad is, in weerwèl vaan de naom, vaanajds neet ech steidelek. Wel zien diverse dörper in de loup vaan d'n tied versteidelek. Sint-Oedenrode en Veghel hadde oonder 't ancien régime al aoneingeslote bebouwing en daomèt e min of mie steidelek karakter. In de loup vaan d'n twintegsten iew zien dees plaotse, wie ouch Schijndel, oetgegreujd tot wat me noe klein stei neump. Allewel tot me hei wel gemigreerde steidelinge oet Den Bosch en Indhove vint, is 't veur e groet deil de eige bevolking die hei woent.

Dialek[bewirk | brón bewèrke]

In alle kerne vaan de gemeinte Meierijstad is 't Meierijs inheims, 'n Oos-Braobants dialek wat ziech oonder mie kinmerk door 'n verkorting vaan lang klinkers en 't behajd (of de herinveuring) vaan de cluster sk- (boe 't Limbörgs sj- of sch- heet, en de aander Braobantse dialekte gemeinelek sch-).

Politiek[bewirk | brón bewèrke]

Börgemeister[bewirk | brón bewèrke]

De woernummende börgemeister vaan Veghel, Marcel Fränzel, is veurluipeg ouch es börgemeister vaan Meierijstad aongestèld.[2] Fränzel had ieder al ervaoring es börgemeister vaan Woensdrecht en woernummende börgemeister vaan Noord-Beveland.

Raod[bewirk | brón bewèrke]

Op 23 november 2016 woorte in Meierijstad alvas verkezinge gehawwe. Groete winner waor de lokaol partij TEAM Meierijstad.

Partij Zetele
TEAM 11
CDA 9
VVD 3
SP 3
Hart voor Schijndel 3
blanco lies 2
PvdA 2
D66 1
Gemeintebelang 1
Totaol 35

Rifferenties[bewirk | brón bewèrke]

  1. Meierijstad.nl - Contact en openingstijden
  2. 2,0 2,1 Meierijstad.nl - Waarnemend burgemeester Meierijstad benoemd

Externe link[bewirk | brón bewèrke]

 
Provincie Noord-Braobantj
Vaan van Noord-Braobantj

Aalburg · Alphen-Chaam · Aste · Baarle-Nassau · Bergeijk · Bergen op Zoom · Bernheze · Best · Bladel · Boekel · Boksmaer · Den Bosch · Boxtel · Breda · Deurze · Dongen · Drimmelen · Eersel · Eindhove · Etten-Leur · Geertruidenberg · Geldrop-Mierlo · Gemert-Bakel · Gilze en Rijen · Goirle · Grave · Haaren · Halderberge · Heeze-Leende · Helmond · Heusden · Hilvarenbeek · Kranedonk · Kuuk · Laarbeek · Landerd · Loon op Zand · Meierijstad · Mill en Sint Hubert · Moerdijk · Nuenen, Gerwen en Nederwetten · Oirschot · Oisterwijk · Oosterhout · Oss · Reusel-De Mierden · Roosendaal · Rucphen · Sint-Michielsgestel · Sintunnis · Son en Breugel · Steenbergen · Tilburg · Uden · Valkeswaerd · Veldhoven · Vught · Waalre · Waalwijk · Werkendam · Woensdrecht · Woudrichem · Zomere · Zundert

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Meierijstad&oldid=412338"