Manuel Castells

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Manuel Castells.jpg

Manuel Castells Oliván (Hellín, Albacete, Castilië-La Mancha, 9 fibberwarie 1942) is 'ne Spaonse socioloog. Heer is sinds 1979 es hoeglieraar in de sociologie en stadsplanning verboonde aon de Universiteit vaan Californië naotot heer twelf jaor laank gedoceerd had aon de Universiteit vaan Paries-Nanterre. Heer publiceerde mie es twinteg beuk, boeoonder The Informational City (1989) en de trilogie The Information Age: Economy, Society and Culture (1996). Heer is eine vaan de pioniers oonder de dinkers roontelum 't oonderwerp Network society.

Wat betröf 't oonderwerp Network Society weurt Castells door sommege ouch wel de Karl Marx vaan dizzen tied geneump, veural umtot heer perbeert beteikenis te geve aon de nuie technologische maotsjappij. In 2007 woort heer door de Science Guide oetgerope es de nómmer 1 in de Europese kinnessector. Ouch woort heer oetgerope es de nómmer 5 vaan de leiende sociaal dinkers vaan 2000 - 2012 en de nómmer 1 vaan de communicatiewetensjappers vaan dees periood. Heer beïnvloojde ouch väöl lui oet de exacte wetensjappe, wie Guido Caldarelli.

Zie leve[bewirk | brón bewèrke]

Manuel Castells greujde primair op in La Mancha mer verhuisde nao Barcelona, boe heer Rech en Ikkenemie studeerde. Al greujde heer op in 'n conservatief femilie, heer woortal gauw in zie studenteleve 'ne progressieven activis. Neettemin is heer euver zien femilie altied positief gewees:

"My parents were very good parents. It was a conservative family — very strongly conservative family. But I would say that the main thing that shaped my character besides my parents was the fact that I grew up in fascist Spain. It's difficult for people of the younger generation to realize what that means, even for the Spanish younger generation. You had actually to resist the whole environment, and to be yourself, you had to fight and to politicize yourself from the age of fifteen or sixteen".[1]

"Mien awwers waore altied hiel gooj awwers. 't Waor 'n conservatief femilie - 'n sterk conservatief femilie. Mer iech dink tot wat mie karakter veural heet gevörmp boete mien awwers 't feit waor tot iech opgreujde in fascistisch Spanje. 't Is meujlek veur lui vaan de jonger ginneratie te realisere wat dat meint, zelfs veur de Spaonse jäög. Me moos ziech eigelek tege de ganse umgeving verzètte, en ziechzelf zien, me moos böttele en polletiek bewös weure op 'ne leeftied vaan vieftien of zestien."

Castells waor polletiek actief in de anti-Franco studentebeweging, e polletiek adolescent activisme dat häöm dwóng vaan Spanje nao Fraankriek te vlöchte. In Paries, op 'ne leeftied vaan 20, maakde heer ziene bachelor aof, daonao góng her nao de Universiteit vaan Paries, boe heer 'n doctoraot in sociologie haolde. Op de leeftied vaan 24 woort Castells 'nen instructäör in versjèllende Pariese universiteite vaan 1967 bis 1979. In 1968 woort heer oontslage vaanwege zien deilnaome aon de Mei 1968 Proteste in Fraankriek vaan mei 1968 mer kós al gaw aon de slaag op 'n aander universiteit.

In 1979 woort heer professor in de sociologie in Berkeley (Californië).[2] Castells is eine vaan de opriechters vaan de USC Center on Public Diplomacy.

Werk[bewirk | brón bewèrke]

't Sociologisch werk vaan Manuel Castells voog empirische oonderzeuksliteratuur same mèt urbane sociologie, organisatiestudies, internetstudies, sociaal beweginge, sociologie vaan cultuur en polletieke ikkenomie. Euver de origien vaan de network society stèlt heer tot veranderinge al op geng woorte gebrach veurtot de zakeleke en oonderhandelingswereld in aonraking kaome mèt de opkoms vaan de nuie technologie op 't gebeed vaan 't globaol netwèrk (heimèt weurt zoe good es altied gesproke euver internet en alles wat dao bij is koume kieke in de aofgelaope 15 à 40 jaor). Daoneve maakde heer ziech bekind door de academische term de Veerde Wereld te introducere, wat betrèkking heet op de sub-populatie(s) die sociaal oetgeslote zien vaan de globaol maotsjappij; me mót veural dinke aon nomadische, pastoraol en jaog/verzamel-gebaseerde menere vaan leve die gans boete de allewijl industrieel maotsjappeleke norm staon.

Rifferenties[bewirk | brón bewèrke]

  1. Harry Kreisler, Manuel Castells, Conversations with History: Manuel Castells (video interview, 9 May 2001), Berkeley, CA: University of California Television (UCTV), 2001, 1min26sec.
  2. "Endowed Faculty Chairs". 
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Manuel_Castells&oldid=413106"