Magnetisme
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Magnetisme is e netuurkóndig versjiensel wobie e matterjaal 'n aantrèkkings- of aafstoeatingskraf oetuub op anger matterjale. 't Guuef 'n aantaal aan wied-bekèndje matterjaal die dudelik magnetische eigesjappe höbbe, wie kobaltj, iezer en nikkel, die allemaol ferromagnetisch zeen. Alle matterjaal óngergaon aevel in grótter of minder maot invlood van magneetveljer. Magnetisme kan veur 't grótste deil waere trögkgelèdj nao lektriklajinge die in bewaeging zeen. 't Waord "magnetisme" kump van Magnesië, 'n historische regio in Törkieje wo me ieëre de meiste magnetische matterjale vanaaf haoldje.