MacBukkum

Van Wikipedia
Naar navigatie springen Naar zoeken springen

MacBukkum is 'ne Troubadour oet Baoksem in gemèndje Luuedal.

Hae sjrieftj leedjes in 't plat. Categorie: satire, humor en romantiek. Hae zingtj en begelètj zichzelf op gitaar en bluesharp (mondharmonica). De naam MacBukkum haet niks te make mèt de bökkem (Nederlands bokking). Bukkum is bargoens väör Baoksem (ned. Baexem) Det is oeëts óntsjtange in de kantien van de voetbalclub RKVB. Det waord is 'n eige laeve gaon lieje en MacBukkum haet dao gaer aan mètgedaon.

Hae begós zien carriere as prins carnaval van de Plekploasters in 2004/2005. Zien 2 adjudante en gevolg dosjdje zich compleet oet in het schots en de Bukkum Clan waas gebaore. De Clan verkocht "kiltpakkette" ('ne lap geroete sjtóf mèt get frutzelkes en 'n waope) woeëmèt men zich 'ne eige outfit kós bouwe. De hoofdpries väör de sjoeënste creatie waas 'ne doedelzak. Dae waerdje gewónne door de dames van de zate hermenie "Allein van hoês", väör dees gelegenheid ómgeduiptj toet "Alone from home - plaid-on-the-reet band" ...

De ópbringst van de kilt-actie ging nao de Clini-Clowns. Det waas 680 euro. MacBukkum waerdje väör dees actie door de CliniClowns genomineerdj väör de "Gouden Neus", 'ne jaorlijkse priês väör ludieke acties. De Clan mocht op 11-11-2005 brons gaon ophaole in 'n live oetzending van arbeidsvitaminen op radio 3FM. De Cd Klaats !! vindj momenteel ziene waeg door Limburg. Ouch noe höbbe de CliniClowns d'r baat bie. Alle fooi en extra gifte waere gedoneerdj. Net väör de vastelaovendj 2007 is dit bedraag opgeloupe toet ruum 700 Euro.

Discografie:[bewirk | brón bewèrke]

2007:

  • Ode aan Heiste (haot dich vast) 5 x raak.
  • CD Klaats!!, 9 nummers satire, humor en romantiek äöver van alles en nog get. Ze geit neet äöver Heitse (al sjteit de "Ode" d'r waal op).

externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=MacBukkum&oldid=135962"