Ludovicus Pascal Delruelle

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ludovicus Pascal Delruelle (1735 - 1807), waor eine vaan wienige dialekdiechters, die us bekind zien, oet de 18e iew. Heer sjreef in 't Mestreechs. In 't daogeleks leve waor heer pestoer vaan de Sint Maartensparochie in Wiek bij Mestreech. Heer waor eine vaan de ierste dee oersproonkeleke en neet religieus getintde gediechter maakde. Zien thema's, op rijm, kaome oet 't daogeleks leve. Väöl vaan zie werk is noets in drök versjene.

Delruelle is neet allein 'ne pioneer in 't diechte in 't Limburgs, zie werk is ouch, nao 't Sermoen oet 1729 of 1792, de ierste substantieel bron vaan gesjreve Mestreechs. 't Is evels neet bekind of Wiek roond 't jaor 1800 't Mestreechs al gans had euvergenómme.

Stäölke[bewirk | brontekst bewerken]

"Naoberse:
"Doe asterante tes!
Iech zal diech goon aanklaoge,
want tat deis tiech espres
allein um miech te plaoge."

" Maog:
Boeveur kums toe nao Treeg,
es veur dien pans te völle?
aan hoes vraotst' anders neet
es kies en roggeknölle!"

oet "Verwiet tösse naoberse en maog", Veldeke-Mosalect 1975