Loerd

Van Wikipedia
(Doorverweze van Lourd)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Basiliek van Slevrouw van Loerd.

Loerd (Frans: Lourdes) is 'n stad innen departement Hautes-Pyrénées in Frankriek. 't Is de grótste kattelieke baevaartsplaats in Frankriek en ligk in 't zuje van 't landj inne oetluipers vanne berg vanne Pyreneeën en haet zoeaget 17.000 inwoeaners.

Gesjiechte[bewirk | brón bewèrke]

In 1858 verklaordje Bernadette Soubirous, doe e vieërtieënjäörig maedje, tössen 11 fibberwarie en 16 juli versjillige versjieninge te höbbe gezeen die dore wichtigste hoeagwaerdigheidsbekleiers van daen tied woorte betrach es die vanne Hèlge Maag Maria inne wiej grot van Massabielle.

In 1864 woort e standjbild opgetróch t'n ieër van Slevrouw van Loerd bieje plaats vanne versjieninge. E kepelke woort geboedj det al snel te kleint woort en góng denen es crypte veure ieëste basiliek, de Basiliek vanne Ónbevlekdje Óntvangenis. Inne loup vanne jaore kome hie nag twieë basilieke bie mit versjillige anger geboewe, die noe allemaol deil oetmake van 't Hèlligdóm van Slevrouw van Loerd.

Bernadette Soubirous góng in 1866 't kloeaster van Nevers in en woort in 1933 hèllig verklaordj.

Baevaart[bewirk | brón bewèrke]

Door 't ganse jaor, meh veural vanaaf mieërt toet in oktoeaber, kómme pelgrims oet gans Europa, mer ouch oet anger deiler vanne werreld, nao 't hèlligdóm van Slevrouw van Loerd veur te baejen en zich te verkwiekken aan 't brónwater vanne grot woraan heilzaam kwaliteite waere toegesjreve.

Väöl plaatse höbben 'n naogeboedje grot, 'n zoea-geneumdje Loerdegrot.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Loerd&oldid=441108"