Lochhave

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Ein lochhave is ein heel groot vleegveldj, det is dus ein plaats wo vleegtuge lanje en opsjtijge, en wo heel väöl miense dus haer gaon es ze mit 't vleegtuug op vakansie gaon.

Lochhaves in Nederlandj[bewirk | brontekst bewerken]

Sjiphol, biej Amsterdam. Dit is de nationaal lochhave, de grootste van Nederlandj.

Regionaal lochhaves[bewirk | brontekst bewerken]

Burgerlochvaart[bewirk | brontekst bewerken]

Lochhaves veur de burgerlochvaart, zo es Sjiphol, zeen bedoeldj om grote aantalle passageers te verveure en goedere te exportere en importere. Typerendj veur dit saort lochhaves is det d'r meistal vleegtuuge van groot formaat sjtaon. Hiej kins se ouch versjillendje facilieteite vinje: sjtart- en lanjingsbane, hangars, vrachopsjlaagmeugelikhede en bagaasjaafhanjeling. Verder bevinje zich op ein lochhave ouch inkele anger kleiner deensverlenende bedrieve: catering, de-icing, brandjsjtoftoeveur en'ne sjoonmaak. Verder is d'r nog de douane, brandjwaer, politie en medische zorg te vinje. Om 't lochverkeer in gooj bane te leije vinjs se op ein lochhave altied eine verkeerstore. In deze verkeerstore zitte de lochverkeersleiders. Dees miense zorge d'rveur det arriverendje en vertrekkendje vleegtuuge veilig kinne lanje, opsjtijge en taxieje.

Passageers die mit 't vleegtuug vertrekke komme es eerste aan in'ne terminal. Eine terminal is ein verzameling van winkels, deensverleninge en wachruumtes in ein groot geboew. Eine terminal is ongerverdeildj in versjillendje piere (plaatse wo vleegtuuge aankome en passageers kinne insjtappe). Kinmerkendj aan dees piere zit eine sjlurf, de zogenumdje vleegtuugsjlurf. Deze sjlurf bevestigdj zich aan 't vleegtuug wodoor passageers zônger väöl meujtje in en oet 't vleegtuug kinne sjtappe. Ein veurdeil van eine sjlurf is det passageers gein trap motte gebroeke en neet mit de bös hoove te gaon, zowie det vreuger ging. D'r zeen versjillendje verbinjinge mit lochhaves veur de burgerlochvaart. Zo zeen ze te bereike mit de auto, trein, bös en taxi. Veur de auto's kint men biej ein lochhave grote parkeerplaatse vinje en veur de trein en stasie. Veur de bös en'ne taxi is d'r veur de ingangk van'ne terminal meistal ruumtje.

Vleegbasis[bewirk | brontekst bewerken]

Eine vleegbasis is ein vleegveldj veur de militaire lochvaart, zowie Leeuwarde en Eindhove Airport. Op eine militaire basis vinjs se de sjtandaardfaciliteite, maar ouch ein aantal die uniek zeen vergeleke mit ein lochhave veur de burgerlochvaart. Dit zeen biejveurbeeldj shelters (hangaars), lochtafwaergesjöt en ein lochdoelraketsysteem.

General Aviation[bewirk | brontekst bewerken]

Ein vleegveldj veur general aviation, de kleiner sjportvleegtuuge en zakenjets, zeen bienao identiek aan die van ein lochhave veur de burgerlochvaart: allein is alles op kleiner sjaol. Zo kintj men d'r gein bagageaafhanjeling vinje en zeen meistal de meugelikheeje veur vrachopsjlaag zeer beperktj of d'r helemaol neet. De-icing is d'r ouch neet te vinje. Van eine terminal is ouch gein sjpraoke. Tanke gebeurtj handjmaotig. Lochhaves veur general aviation zeen in trek biej bedrieve die rondjvluchte gaeve of bedrieve wo se ein piloteopleiding kins volge.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lochhave&oldid=340768"