Leubaek

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Hales, es te dit dialek sjpriks.

---

De meanderendje Leubaek.

De Leubaek (Nederlandjs: Leubeek) is door doorzètting vanne Tungelderse Baek wen dees 't Nederlandjs netuurgebied Leudaal instruimp. Wo de baek 't gebied weer verleet vleutj ze same mitte Halese Baek en struimp ze es de Naerbaek nao en inne Maas.

Binne 't netuurgebied meandertj 't reveerke sterk en haet 't steil waterkantje, wovan 't huuegdjeversjil toet 10 maeter kan bedrage.

Ouch cultuurhistorisch is de baek van belank. Ze struimp langs 't Augustinessekloeaster Sint-Elisabethsdal, wotoe ouch 'n watermeule behuuertj die de Sint-Elisabethsmeule hètj en wovan nag e restantj daos teit. Efkes wiejerop vindj me 'n anger watermeule, de Leumeule of Sint-Ursulameule, die gans gerestaureerdj is gewaore.

De naam "Leubaek" kump meugelikerwies van "loea", det bósj mèntj.