Leeuwarderadeel

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Leeuwarderadeel (Ljouwerteradiel)
Gewaeze gemeinte in Nederlandj

Veendel vaan Leeuwarderadeel

Waope vaan Leeuwarderadeel

Ligking vaan Leeuwarderadeel in de provincie Friesland

Gevörmp
Opgehaeve 2018
Opgegange in Leeuwarden
Provincie Friesland
Hoofplaats Stiens
Opperflaakde (bie opluffing) 41,46 km²
– daovan water: 0,55 km²
Inwoeners (kort veur opluffing) 10.133 (8-2017)
deechde: 148/km²
Lies van börgemeisters

Leeuwarderadeel (Fries: Ljouwerteradiel) is 'n geweze gemeinte in de Nederlandse provincie Friesland, zjus bove Leeuwarden, mèt 'n oppervlak vaan 41,38 km2 en 10.398 inwoeners per 1 januari 2007. De gemeinte umvatde de dörper Britsum, Cornjum (Koarnjum), Finkum (Feinsum), Hijum, Jelsum, Oude Leije (Aldeleie) en Stiens en deile vaan de gehuchter Bartlehiem en Vrouwbuurtstermolen. De hoofplaots Stiens waor de einege plaots vaan beteikenis; alle ander dörper höbbe minder es doezend inwoeners.

Historie[bewirk | brón bewèrke]

Leeuwarderadeel waor ein vaan de 30 historische grietenije vaan Friesland en bestoont dus al in de middeliewe. 't Waor toen in drei deile (trimdelen) verdeild. 't Middelste vaan die deile woort al in de middeliewe zelfstandeg es Leeuwarden, zoetot de grietenij in twie stökker verdeild raakde. In 1944 kaome 't zuidelek deil (mèt de dörper Wirdum, Goutum, Swichum en Huizum) en de dörper Lekkum en Miedum ouch bij Leeuwarden, zoetot mer e klei deil vaan de gemeinte euverbleef. In de jaore negeteg woorte planne um Leeuwarderadeel mèt Menaldumadeel bij Leeuwarden te veuge; ouch door oonwèl bij de bewoeners vaan de plattelandsgemeintes woort dit aofgebloze. Oetindelek góng de bevolking begin 2013 in e rifferendeum toch akkoord mèt touwveuging aon Leeuwarde; dees fusie is op 1 jannewarie 2018, es oonderdeil vaan 'n herindeiling in gans Noordwes-Friesland, oetgeveurd.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Leeuwarderadeel&oldid=431415"