Kweeksjoal

Van Wikipedia
(Doorverweze van Kweeksjool)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Kweeksjoal waor de naam van 'n veerjaorige opleiding veur onderwiezersj en onderwiezeresse die lès mochte geve aan de Lièger sjoal. De lièger sjoal waor veur kinger van 6 tot 12 jaor, die lès krege in klasse: klas 1 t/m 6. Aanvankelik ginge alle jonges nao 'n jongessjoal en alle maedsjes nao 'n maedsjessjoal. Ze krege les van onderwiezersj en onderwiezeresse, door de lièrlinge meister en juffrouw geneump. Ouch hele väöl zuuster(religieuze)sj zich mèt lèsgeve bezig. Kweeksjoale waore gevestig in o.m. Mesjtreech, Heerle en Remung. Nao 1968 woort de kweeksjoal Pedagogische academie geneump. Nog later veranderde de naam in PABO of PA (Pedagogische Academie veur 't Basisonderwies). In 1985, bie 't ingaon van de Wet op 't basisonderwies, ginge de kleutersjoal en de lièger sjoal same onder de naam basissjoal. Van toen aaf woort lès gegeve aan groepe 1 t/m 8 aan kinger (jonges en maedsjes) van 4 tot 12 jaor. Onderwiezersj en onderwiezeresse woorte noe lièrare of lièrkrachte. De kleutersjoal, woa kleuterleidsters veur de klas/groep sjtinge, woort vreuger bewaarsjoal geneump. Kleuterleidsters haolde hun bevoegdheid aan de Opleidingssjoal veur kleuterleidsters.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kweeksjoal&oldid=451489"