Kruutstoch

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


De kruutstochte, kruutstrèkke of kruutsvaarte wore militair óngernumminge van de wèsterse kristene tösse 1095 en 1271 in Palestina. 't Waas e vreug veurbild van de Europese expansiebewaeging die op gank kwaam naodet in d'n tièndjen ièf 'n ènj waas gekómme aan de invasies van Europa door de Vikinge, Moare en Aziatische steppevölker (wie de Hunne). De kriegshière die zich dao-op taengenein en de bevölking richdje, woorte noe biejein gebrach door de euvertuging det de door 't kristendóm es rechmaesig eigendóm betrachdje hèlge plaatse in 't Hèllig Landj móste waere bevriedj van de islamitische hièrsjers die ze saer 638 in bezit hawwe.

Rilletief ónbekandj zint de naordelik kruutstochte, wovan die door de Duutsje Orde of Teutonische Ridders de wichtigste wore. Häör actiegebied waas veural gelaenge rónjelóm de Oasziè. E groat deil van de aldao gevèstigdje werreldlike mach verlaore ze weer in de Slaag bie Tannenberg (1410).

Ouch in anger religieus gemotiveerdje kónflike tiejes de late middeliève zatte de Kattelieke Kirk 't middel van de kruutstoch in, wie taenge ketters es de kathare en de heidene. Later militair operaasjes op 't landj en de ziè taenge de moslims, wie de Slaag bie Lepanto in 1571, kónne waere gezeen es doorzèttinge van de kruutstrèkke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kruutstoch&oldid=382739"