Kreis Veeëse

Van Wikipedia
(Doorverweze van Kreis Viersen)
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Vierscher Platt, as te dit dialek sjpriks.

Locator map VIE in Germany.svg
Municipalities in VIE.svg

Kreis Veeëse en in sommege gemeintes die deil oetmake vaan dizze krink, wie Niederkrüchten, Kreis Veersjen (Duuts: Kreis Viersen) is 'ne krink (Kreis) in 't weste vaan Noordrien-Wesfale (Duutsland). De krink ligk tege Limbörg aon mer in tegestèlling tot de zuieleker gelege krink behuurt Kreis Viersen neet mie bis de Euregio Maos-Rien, boe Mestreech de-facto de hoofzetel vaan is. Dit Rienlands distrik ligk in 't Regierungsbezirk Düsseldorf, de hoofplaots (de stad mèt de Verwaltungssitz) is Veeëse. Behurend bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 563,28 km², 'n inwoenertal vaan 294.921 en 'n bevolkingsdeechte vaan 524 de veerkante km (volgens de census op 31 dec 2013). Edere Noordriens-Wesfaalse krink weurt geregeerd door 'ne landraod (Landrat) in de hoofplaots. In Veeëse weurt Limbörgs gesproke. De in 1975 opgeriechte Kreis had in de aofgeloupe haaf iew 'n steigende demografische oontwikkeling (262.714 in '75, 304.140 in 2000) mer begós, wie mie kring in 't Rienland, vaanaof 2005 door de vergrijzing te krumpe (300.417 in 2010, 294.921 in 2014).

Steden Gemeenten
  1. Kempe (Duuts: Kempen)
  2. Nettetal
  3. Tönisvorst
  4. Willich
  5. Veeëse
  1. Brüggen
  2. Grefrath
  3. Niederkrüchten
  4. Schwámdoal (Schwalmtal)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kreis_Veeëse&oldid=404358"