Kogelstoete

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

'n Man aan 't kogelstoete.

Kogelstoete is 'n sport binne de atletiek. De bedoeling is um de kogel zo ver meugelik weg te stoete vanoet 'n wit stoetblok.

Raegels

Tiedes 't stoete van de kogel muug men de grond en de balk rondum de ring neet aanrake. Nao de stoet mot de werper of werpster de ring aan d'n achterzieje verlaote. De kogel mot baovedien binne de sector belande. Geit ein van deze punte fout, dan is de worp ongeldig en wuurt deze neet opgemaete.

De ring haet 'nne diameter van 2,135 maeter. De zwaorte van de kogel hangkt aaf van de leeftiedsklasse en geslach. De gewichten laupe oetein van 1 kilogram tot en met 7,26 kilogram.

Men muug de kogel neet werpe, mar de kogel mot vanoet de nek gestoete waere. Net as beej speerwerpe en discuswerpe mot 't veurwerp binne de sectorliene naerkomme. De sectorhook beej kogelstoete is groeëter dan beej speerwerpen; 34.92 grade. De gestoete aafstand wuurt gemaete tusse de dichtsbeejziende indruk van de kogel ('t "0-punt") en de binneziede van 't stoetblok. 't Aantal stoeten is aafhankelik van de wedstried, meistal muug aedere daelnimmer dreej kier stoete en de eerste acht daelnimmers nog dreej kier.

Wereldrecords

Manne

1. 23,12 m daor Randy Barnes, Vereinegde Staote

2. 23,06 m daor Ulf Timmermann, Wes-Duitsland

3. 22,91 m daor Alessandro Andrei, Italië

Vrouwe

1. 22,63 m daor Natalja Lisovskaja, Sovjet-Unie

2. 22,60 m daor Natalja Lisovskaja, Sovjet-Unie

2. 22,53 m daor Natalja Lisovskaja, Sovjet-Unie