Koelsjtamp

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

De koelsjtamp is ’n saort óntgreuning van 'ne nuje, jónge óngergróndsje mienwirker.

Dees óntgreuning waas neuëdig veur me door de koempels in de groep woort opgenómme. Biej de oetveuring van de koelsjtamp woort 'n groate kaolesjöp taenge ’t achtersjte van de nujeling gehawte en vervolges sjloog me mèt ’n groate hamer keihèl taenge die sjöp. Sóms woort in plaats van 'ne hamer gewoon door ein van de koempels mèt ziene sjoon (mèt sjtale neus) taenge de sjöp getrap. De klap dae de te óntgreune mienwirker daovan kreeg, waas dèks zoa hèl dat hae nog daag later hiejvan las hèj.

Later woort dees meneer van óntgreuning door de direktie van de koel verbaoje, ómdat d’r waal èns óngelökke biej gebeurde.

Nog later woort ouch waal van 'ne koelsjtamp gesjpraoke es me es beloaning (feguurlik gesjraoke) 'ne trap (sjöp) ónger ’t achtersjte kreegs.