Kobe

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


't Sjtadssilhouet va Kobe mit 't Rokkō-gebirgde doa hinger
Oetzich op de sjtad vanaaf 't gebirgde

Kobe (神戸市, Kōbe-shi) is ing sjtad i Japan en geliek óch de hoofsjtad va de prefectuur Hyogo. 't Is doaneëve de wichtigste havesjtad va de regio Kansai, zuudwestelig op 't eilank Honshu en de sjtad maak deel oet va de agglomeratie Osaka-Kobe-Kyoto. Op 1 februari 2016 telde de sjtad 1.537.418 lüj op e oppervlaak va 552,23 km², wat 'n gemiddelde deechde guëf van 2.784 lüj je kilometer. I g'n sjtad wuëne mieë as 45.000 boetelengesj oet mieë as hóngerd leng. De sjtad sjteet óch bekank um de eëdssjok va Kobe in 1995. E Bekank boewwirk is de Akashi-Kaikyobruk. Dees hangbruk die ge-öapend woeëd in 1998, hat mit 1.990 meter de langste uëversjpanning van alle brukke op d'r eëd.

Ligging[bewirk | brón bewèrke]

Kobe aa d'r Bóch van Osaka

De sjtad Kobe litt aa d'r Bóch van Osaka, 't oeëstelige deel va de Japanse Binnezieë. Kobe litt same mit de sjteëj Akashi in 't weste en Ashiya in 't oeëste op e sjmal sjtök lank van ungeveër twieë bis zeëve kilometer breë. Hei wuënt bekans jieëker minsj. Drèk t'n noarde litt 't Rokkō-gebirgde mit toppe va bis 931 meter hoeëg. Vaweënge tekót aa ruumte, woeëde óch mieërdere eilang opgesjpoate. De lóchhave va Kobe litt beivuurbild op zoeën kunsmieësig eilank.

Gesjichde[bewirk | brón bewèrke]

De gesjichde va Kobe geet truuk bis i de achste ieëw, toen 't is untsjtange as have. De have hat zich durch zinge gunstige ligging sjnel untwikkeld en woeëd inne va de wichtigste haves va Japan. Óch handelssjeper oet Sjina vore hei riggelmieësig op aaf. In 1180 woar de sjtad vuur vieëf maande de hoofsjtad va Japan. Generaal Taira no Kiyomori sjtuëde zinge klingzoeën, d'r keizer Antoku, noa Fukuhara. 't Gaf toen óch dök militaire conflicte tusje versjillige ivlódrieke clans, wie de Taira en Minamoto.

Unger drök va de VS hat Kobe zinge haves in 1868 ge-öapend vuur de internationale handel. Heidurch woeëd Kobe internationaal gezieë 'n wichtige have. In dees tieëd untsjtange óch de boetelengse gemeensjappe, mitnaam Amerikane en Europeane, die zich vuurnamelig vestigde in 't distrik Kitano. In 1889 woeëd de moderne sjtad gesjtich. I d'r Twieëde Weltkreeg góng 't aatal iwuënesj hel truuk: noa zoeën 300.000. Mieë as 6.300 lüj kame um, 15.300 rakde gewond en mieë as 450.000 rakde daakloeës bei de Amerikaanse bombardemente en 57% van 't sjtadsgebeed woeëd verweus. Noa d'r kreeg greujde de sjtad obbenüts hel, óch in iwuënertal.

Culinair[bewirk | brón bewèrke]

De sjtad sjteet óch bekank um 't zieër exclusieve Kobe-beef. Óch kint de sjtad 'n traditie van 't broewe va sake, ing aat va rieëswien.

Extern link[bewirk | brón bewèrke]

Commons
In de categorie Kobe van Wikimedia Commons zeen media gerelateerd aan dit óngerwerp te vènje

Brón[bewirk | brón bewèrke]

Dit attikel baseert zich op 't corresponderend Nederlandssjproakig attikel, en waal i dees versie. E deel oet de teks is va de Dütsje Wikipedia (köpke: Geschichte).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kobe&oldid=396879"